LEKSIYON 28
Ipakita ang Imong Apresasyon sa Gihimo ni Jehova ug ni Jesus Para Kanimo
Unsay imong bation kon hatagan kag nindot kaayong regalo sa imong higala? Tingali malipay gyod ka ug gusto nimong ipakita sa imong higala nga imong naapresyar ang regalo. Gihatag ni Jehova ug ni Jesus kanato ang pinakamaayong regalo nga atong madawat. Unsa na nga regalo, ug unsaon nato pagpakita nga mapasalamaton ta niana?
1. Unsa ang usa ka paagi nga mapakita nato ang atong apresasyon sa gihimo sa Diyos ug sa Kristo para kanato?
Ang Bibliya nagsaad nga “ang tanan nga magpakitag pagtuo [kang Jesus]” mabuhi hangtod sa hangtod. (Juan 3:16) Unsay gipasabot sa pagpakitag pagtuo? Dili lang ni basta motuo ta kang Jesus. Kinahanglan pod natong ipakita ang atong pagtuo pinaagi sa atong mga desisyon ug binuhatan. (Santiago 2:17) Dihang ipakita nato ang atong pagtuo diha sa atong ginabuhat ug ginasulti, gipalig-on nato ang atong relasyon kang Jesus ug sa iyang Amahan, si Jehova.—Basaha ang Juan 14:21.
2. Unsang espesyal nga okasyon ang makatabang nato sa pagpakitag apresasyon sa gihimo ni Jehova ug ni Jesus para nato?
Sa gabii una mamatay si Jesus, giingnan niya ang iyang mga sumusunod bahin sa laing paagi sa pagpakitag apresasyon sa iyang halad. Iyang giingnan sila nga magtigom para sa usa ka espesyal nga okasyon nga gitawag sa Bibliya ug “Panihapon sa Ginoo,” nga gitawag sab ug Memoryal sa kamatayon sa Kristo. (1 Corinto 11:20) Kini gisugdan ni Jesus aron mahinumdoman sa iyang mga apostoles—ug sa tanang tinuod nga Kristohanon—nga gihatag niya ang iyang kinabuhi para nato. Busa siya nagsugo: “Ipadayon ninyo ang pagbuhat niini sa paghandom kanako.” (Lucas 22:19) Dihang motambong kag Memoryal, imong gipakita nga mapasalamaton ka sa dakong gugma ni Jehova ug ni Jesus para nato.
TUN-IG DUGANG
Sayra ang laing mga paagi sa pagpakitag apresasyon sa dakong gugma ni Jehova ug ni Jesus. Sayra pod kon unsa ka importante ang Memoryal sa kamatayon sa Kristo.
3. Unsaon nato pagpakita nga mapasalamaton ta?
Imadyina nga naay nagluwas nimo maong wala ka malumos. Kalimtan na lang ba nimo ang iyang gihimo para nimo? O mangita kag mga paagi aron imong mapakita nga mapasalamaton ka sa iyang gihimo?
Utang nato kang Jehova ang atong kinabuhi. Basaha ang 1 Juan 4:8-10, ug dayon hisgoti kini nga mga pangutana:
-
Nganong espesyal nga regalo ang halad ni Jesus?
-
Unsay imong gibati sa gihimo ni Jehova ug ni Jesus para nimo?
Unsaon nato pagpakita ang atong apresasyon sa gihimo ni Jehova ug ni Jesus para nato? Basaha ang 2 Corinto 5:15 ug 1 Juan 4:11; 5:3. Human mabasa ang matag teksto, hisgoti kini nga pangutana:
-
Base sa maong teksto, unsaon nato pagpakita ang atong apresasyon?
4. Sundoga si Jesus
Ang laing paagi nga mapakita nato ang atong apresasyon mao ang pagsundog kang Jesus. Basaha ang 1 Pedro 2:21, ug dayon hisgoti kini nga pangutana:
-
Sa unsang mga paagi masunod nimo pag-ayo ang mga tunob ni Jesus?
Gipabilhan pag-ayo ni Jesus ang Pulong sa Diyos, gisangyaw niya ang maayong balita, ug gitabangan niya ang uban
5. Tambong sa Memoryal sa kamatayon sa Kristo
Aron imong mahibaloan kon unsay nahitabo sa unang pagsaulog sa Panihapon sa Ginoo, basaha ang Lucas 22:14, 19, 20. Dayon hisgoti kini nga mga pangutana:
-
Unsay nahitabo sa Panihapon sa Ginoo?
-
Unsay gisimbolohan sa tinapay ug bino?—Tan-awa ang bersikulo 19 ug 20.
Gusto ni Jesus nga saulogon sa iyang mga tinun-an ang Panihapon sa Ginoo kausa sa usa ka tuig panahon sa anibersaryo sa iyang kamatayon. Busa ang mga Saksi ni Jehova magtigom kada tuig sa paghinumdom sa kamatayon sa Kristo sa paagi nga iyang gisugo. Aron mahibalo kag dugang bahin niining importanteng tigom, i-play ang VIDEO. Dayon hisgoti ang mosunod nga pangutana:
-
Unsay ginahimo panahon sa Memoryal?
Ang tinapay ug bino naay gisimbolohan. Ang tinapay nagsimbolo sa hingpit nga tawhanong lawas ni Jesus nga iyang gihalad para nato. Ang bino nagsimbolo sa iyang dugo
ANG UBAN MOINGON: “Kon motuo ka kang Jesus, luwas na ka.”
-
Unsaon nimo paggamit ang Juan 3:16 ug Santiago 2:17 aron ipakita nga labaw pa ana ang gikinahanglan?
SUMARYO
Ikapakita nato ang atong apresasyon sa gihimo ni Jesus para nato pinaagi sa pagpakitag pagtuo kaniya ug sa pagtambong sa Memoryal sa iyang kamatayon.
Review
-
Unsay gipasabot sa pagpakitag pagtuo kang Jesus?
-
Unsaon nimo pagpakita ang imong apresasyon sa gihimo ni Jehova ug ni Jesus para nimo?
-
Nganong importante kaayo ang pagtambong sa Memoryal sa kamatayon sa Kristo?
SUSIHA
Ang kamatayon sa Kristo magpalihok nato sa pagbuhat sa unsa?
Gigamit Niya ang Iyang Lawas sa Pagpasidungog Kang Jehova (9:28)
Tun-ig dugang ang bahin sa pagtuo ug kon unsaon nato kini pagpakita.
“Ipasundayag ang Imong Pagtuo sa mga Saad ni Jehova” (Ang Bantayanang Torre, Oktubre 2016)
Sa estorya nga “Ako Mibating Hinlo ug Malipayon,” sayra ang epekto diha sa usa ka babaye dihang iyang nakat-onan ang bahin sa halad sa Kristo.
“Ang Bibliya Makabag-o sa Kinabuhi” (Ang Bantayanang Torre, Agosto 1, 2011)
Sayra kon nganong gamay ra ang makigbahin sa mga emblema panahon sa Memoryal.
Basin Ganahan Pod Ka
KOMON NGA MGA PANGUTANA
Unsa ang Bible Study Program nga Gina-offer sa mga Saksi ni Jehova?
Sa libreng interactive program nga gina-offer sa mga Saksi ni Jehova, puwede nimong gamiton ang bisan unsang bersiyon sa Bibliya. Puwede nimong paapilon ang tibuok pamilya o mga amigo o amiga.
