Matikdi kining panagsumpaki: Diha sa usa ka industriyalisadong nasod, kapin sa 90 porsiyento sa mga tawo mibati nga sila mahimong malipayon kaayo o dili kaayo malipayon. Apan 3 sa 10 ka tambal nga kaylap kaayong gigamit sa maong yuta gireseta para sa depresyon. Niana gihapong nasora, 91 porsiyento sa mga tawo nag-isip nga makapatagbaw ang ilang pamilyahanong kinabuhi. Apan, halos katunga sa mga kaminyoon didto misangko sa diborsiyo!

Sa pagkatinuod, usa ka surbi sa mga tawo diha sa 18 ka nasod, nga naghawas sa halos katunga sa populasyon sa kalibotan, nagpakita nga ang “sobra ka ngiob nga panglantaw sa umaabot daw nagtabon sa dakong bahin sa kalibotan.” Busa, tataw nga daghan ang wala magtagamtam ug bug-os makapatagbaw nga kinabuhi. Ikaw komosta? Kining brosyura giandam aron tabangan ka sa paghimo sa imong kinabuhi nga tinuod nga makapatagbaw.