Introduksiyon sa Seksiyon 12
Gitudloan ni Jesus ang mga tawo bahin sa Gingharian sa langit. Gitudloan sab niya sila sa pag-ampo nga balaanon ang ngalan sa Diyos, moabot ang iyang Gingharian, ug matuman ang iyang kabubut-on dinhi sa yuta. Pasabta ang imong anak sa kahulogan niini nga pag-ampo para nato. Wala gyod mabungkag ni Satanas ang pagkamaunongon ni Jesus. Mipili si Jesus ug mga apostoles, ug sila ang unang membro sa Gingharian. Ipasiugda ang kadasig ni Jesus sa matuod nga pagsimba. Kay gusto ni Jesus nga tabangan ang mga tawo, giayo niya ang masakiton, gipakaon ang gigutom, ug gibanhaw ang patay. Pinaagi niini, iyang gipakita kon unsay himoon sa Gingharian para sa mga tawo.
NIINI NGA SEKSIYON
LEKSIYON 74
Si Jesus Nahimong Mesiyas
Unsay gipasabot ni Juan dihang gitawag niya si Jesus nga Kordero sa Diyos?
LEKSIYON 75
Si Jesus Gitental sa Yawa
Katulo gitental sa Yawa si Jesus. Unsa kadto nga mga tentasyon? Unsay reaksiyon ni Jesus?
LEKSIYON 76
Gihinloan ni Jesus ang Templo
Nganong giabog ni Jesus ang mga hayop pagawas sa templo ug giyabo ang mga lamesa sa tig-ilis ug kuwarta?
LEKSIYON 77
Ang Babaye sa Atabay
Nahibulong ang babayeng Samarianhon dihang nakig-estorya niya si Jesus. Ngano? Unsay gisulti ni Jesus sa babaye nga wala pa niya isulti sa uban?
LEKSIYON 78
Gisangyaw ni Jesus ang Mensahe sa Gingharian
Gidapit ni Jesus ang pipila niya ka tinun-an nga mahimong “mangingisdag tawo.” Sa ulahi, nagbansay siyag 70 ka tinun-an nga magsangyaw sa maayong balita.
LEKSIYON 79
Si Jesus Naghimog Daghang Milagro
Bisag asa si Jesus, mangadto niya ang mga masakiton, ug giayo niya sila. Gibanhaw pa gani niya ang usa ka batang babaye.
LEKSIYON 80
Si Jesus Mipilig Dose ka Apostoles
Nganong gipili man niya sila? Nahinumdom ba ka sa ilang ngalan?
LEKSIYON 82
Gitudloan ni Jesus ang mga Tinun-an kon Unsaon Pag-ampo
Unsay giingon ni Jesus nga kinahanglang pangayoon nato kanunay?
LEKSIYON 83
Libolibo ang Gipakaon ni Jesus
Unsay gitudlo niini nga milagro bahin kang Jesus ug Jehova?
LEKSIYON 84
Si Jesus Milakaw sa Dagat
Unsa kahay gibati sa mga apostoles pagkakita nila niini nga milagro?
LEKSIYON 85
Si Jesus Nang-ayo Panahon sa Igpapahulay
Nganong dili tanan ang nalipay sa iyang gipanghimo?
LEKSIYON 86
Gibanhaw ni Jesus si Lazaro
Pagkakita ni Jesus nga mihilak si Maria, mihilak sab siya. Pero wala madugay, ang ilang kaguol nahulipan ug kalipay.