Ang Mga Teksto Para sa Kristohanong Pagkinabuhi gidisenyo aron mas sayon pangitaon ang mga teksto ug asoy sa Bibliya nga makatabang nimo sa pag-atubang sa mga kalisdanan. Magamit sab ni nimo sa pagpangitag haom nga mga teksto nga makadasig sa uban ug makatabang nila sa paghimog mga desisyon nga magpasidungog kang Jehova. Pilia ang gusto nimo nga topiko. Ang matag topiko dunay mga pangutana ug mugbong sumaryo sa mga asoy sa Bibliya. (Tan-awa ang kahon nga “ Kon Unsaon Paggamit Niini nga Publikasyon.”) Imong makita ang daghang kasaligan ug mapuslanong tambag, giya, ug paghupay gikan sa Pulong sa Diyos. Makakita sab kag espirituwal nga mga bahandi nga puwede nimong ipaambit sa uban—mga teksto sa Bibliya nga makapalagsik nila, makatabang sa ilang mga problema, ug maghatag nilag tambag ug pagdasig.

Wala malista niini nga publikasyon ang tanang teksto para sa usa ka topiko. Pero maayo ning gamiton sa pagsugod sa imong pag-research. (Pr 2:​1-6) Aron mas molalom ang imong pagtuon, gamita ang mga marginal reference sa Bag-ong Kalibotang Hubad sa Balaang Kasulatan ug ang mga study note, kon available kini sa laing pinulongan nga imong masabtan. Gamita ang Giya sa Pagpanukiduki Para sa mga Saksi ni Jehova o ang Watch Tower Publications Index aron mas masabtan ang kahulogan sa usa ka teksto o ang kapadapatan niini. Susiha ang kinabag-ohang mga reperensiya aron maseguro nga kinabag-ohan ang imong pagsabot sa mga kamatuoran sa Bibliya.

Hinaot nga ang Mga Teksto Para sa Kristohanong Pagkinabuhi makatabang nimo nga makita ang kaalam, kahibalo, ug pagsabot nga naa sa Balaang Kasulatan. Samtang gamiton nimo kini nga publikasyon, mahimo kang mas kombinsido nga “ang pulong sa Diyos buhi ug gamhanan.”—Heb 4:12.