Trabaho
Sa unsang paagi ang trabaho konektado sa kalipay?
Unsay mga kaayohan kon maayo ta sa atong trabaho?
-
Asoy sa Bibliya nga makatabang:
-
1Sa 16:16-23—Ang batan-ong si David nailhan ingong hanas nga musikero, ug ang iyang pagpatokar ug alpa nakapaarang-arang sa pamati sa hari sa Israel
-
2Cr 2:13, 14—Kay si Hiram-abi hanas nga artesano, siya gigamit ni Haring Solomon sa dakong buluhaton sa pagpanukod
-
Nganong ang mga alagad ni Jehova gustong mailhan nga maayo ug kugihan sa trabaho?
-
Asoy sa Bibliya nga makatabang:
-
Gen 24:10-21—Si Rebeca matinabangon ug kugihan, ug gihimo niya ang labaw pa sa gihangyo kaniya sa sulugoon ni Abraham
-
Flp 2:19-23—Gisaligan ni apostol Pablo ang batan-ong si Timoteo ug bug-at nga asaynment kay kugihan siya ug mapainubsanon
-
Nganong ang mga alagad sa Diyos dili gustong magtinapolan?
Pr 13:4; 18:9; 21:25, 26; Ecc 10:18
-
Asoy sa Bibliya nga makatabang:
-
Pr 6:6-11—Gigamit ni Haring Solomon ang hulmigas aron ipakita nga importanteng magkugi ug likayan ang pagtinapolan
-
Nganong kinahanglan tang magkugi sa pagtagana sa atong panginahanglan?
Nganong kinahanglan tang magkugi sa pagtagana sa panginahanglan sa atong pamilya?
-
Asoy sa Bibliya nga makatabang:
-
Ru 1:16, 17; 2:2, 3, 6, 7, 17, 18—Ang batan-ong balo nga si Ruth nagkugi aron matagan-an ang iyang ugangan nga si Noemi
-
Mat 15:4-9—Gihukman ni Jesus kadtong naggamit sa pag-alagad sa Diyos ingong rason aron malikayan ang ilang responsibilidad sa pag-atiman sa ilang ginikanan
-
Nganong angay natong ipaambit sa uban ang bunga sa atong mga paghago?
Unsay angay natong panglantaw sa atong suweldo sa pagpanarbaho?
Giunsa nato pagkahibalo nga gusto ni Jehova nga mahimo tang maayo sa atong trabaho ug maatiman ang atong materyal nga mga panginahanglan?
Mat 6:25, 30-32; Luc 11:2, 3; 2Co 9:10
-
Asoy sa Bibliya nga makatabang:
-
Gen 31:3-13—Gitikasan ni Laban ang iyang umagad nga si Jacob nga nagtrabaho kaniya, pero nakita ni Jehova ang pagkakugihan ni Jacob ug Iyang gipanalanginan siya
-
Gen 39:1-6, 20-23—Gipanalanginan ni Jehova ang pagtrabaho ni Jose ingong ulipon sa panimalay ni Potipar ug ingong binilanggo
-
Nganong ang atong trabaho dili angayng mahimong mas importante kay sa atong pag-alagad sa Diyos?
Sal 39:5-7; Mat 6:33; Ju 6:27
-
Asoy sa Bibliya nga makatabang:
-
Luc 12:15-21—Migamit si Jesus ug ilustrasyon sa pagtudlo nga kabuangan ang paghunahuna nga ang pagpangagpas sa materyal mas importante kay sa espirituwal nga bahandi
-
1Ti 6:17-19—Si apostol Pablo nagpasidaan sa datong mga Kristohanon nga dili mahimong hambogiro ug nagdasig nila nga “mahimong dato sa maayong mga buhat”
-
Unsang mga prinsipyo ang makagiya nato sa pagpilig trabaho?
-
Ex 20:4; Buh 15:29; Efe 4:28; Pin 21:8—Niini nga trabaho, kinahanglan ba kong mohimog butang nga gihukman sa Diyos?
-
Ex 21:22-24; Isa 2:4; 1Co 6:9, 10; 2Co 7:1—Kini ba nga trabaho nagsuportar o nagpasiugdag buhat nga gihukman sa Diyos, nga makapahimo nakong sad-an?
-
Rom 13:1-7; Tit 3:1, 2—Niini nga trabaho, kinahanglan ba ko nga mohimog butang nga supak sa balaod?
-
2Co 6:14-16; Pin 18:2, 4—Kini ba nga trabaho makapahimo nakong bahin o tigsuportar sa bakak nga relihiyon?
Buluhaton para kang Jehova
Unsa ang labing importanteng buluhaton sa mga Kristohanon?
Nganong gusto kaayo natong himoon ang atong kinamaayohan sa pag-alagad kang Jehova?
Luc 13:24; Rom 12:11; 1Co 15:58; Heb 6:10-12
Tan-awa sab ang 1Ti 3:1
Nganong dili nato angayng dahomon nga kitang tanan parehas ug mahimo sa pag-alagad kang Jehova?
-
Asoy sa Bibliya nga makatabang:
-
Mat 25:14, 15—Gipakita sa ilustrasyon ni Jesus nga wala siya magdahom nga parehas ang mahimo sa tanan niyang sumusunod
-
Luc 21:2-4—Giisip ni Jesus nga dakog bili ang gamayng amot sa kabos nga babayeng balo
-
Asa ta makakuhag kusog aron mahimo ang buluhaton nga gihatag kanato sa pag-alagad kang Jehova?
2Co 4:7; Efe 3:20, 21; Flp 4:13
-
Asoy sa Bibliya nga makatabang:
-
2Ti 4:17—Si apostol Pablo miingon nga nadawat niya ang gikinahanglang kusog dihang gikinahanglan niya kini
-
Nganong ang atong pagkugi sa pag-alagad kang Jehova makahatag natog kalipay?