Konsideraha kon unsa nay nahibaloan sa imong mamiminaw. Imbes balikon ang ila nang nadunggan sa una, tabangi sila nga makita ang laing anggulo sa topiko.

Pag-research ug pamalandong. Kon posible, ilakip ang dili kaayo pamilyar nga mga impormasyon o bag-ong panghitabo sa pag-ilustrar sa pangunang mga ideya. Hunahunaa pag-ayo ang imong materyal ug ang koneksiyon niini sa impormasyon nga gusto nimong hisgotan.

Ipakita kon unsa ka mapuslanon ang imong mensahe. Ipatin-aw kon sa unsang paagi ang mga punto sa Kasulatan makatabang sa imong mamiminaw sa ilang adlaw-adlawng pagkinabuhi. Paghisgot ug espesipikong mga kahimtang, panglantaw, ug mga buhat nga importante sa imong mamiminaw.