BAHIN 3
Unsay Kinabuhi Kaniadto sa Paraiso?
Gihatagan ni Jehova si Adan ug Eva ug daghang maayong butang. Genesis 1:28
Gilalang ni Jehova ang unang babaye, si Eva, ug gihatag siya kang Adan aron mahimong iyang asawa.—Genesis 2:21, 22.
Sila gilalang ni Jehova nga dunay hingpit, o walay depekto, nga hunahuna ug lawas.
Ang ilang Paraisong puy-anan mao ang tanaman sa Eden—usa ka nindot kaayong dapit nga may suba, mga kahoyng mamunga, ug mga hayop.
Si Jehova nakigsulti kanila; siya nagtudlo kanila. Kon sila namati kaniya, sila mabuhi unta sa walay kataposan sa Paraiso sa yuta.
Ang Diyos nagdili sa pagkaon sa bunga sa usa sa mga kahoy. Genesis 2:16, 17
Ang usa sa mga anghel mirebelde sa Diyos. Kining daotang anghel mao si Satanas nga Yawa.
Gipakita ni Jehova kang Adan ug Eva ang usa ka kahoy nga namunga diha sa tanaman ug iya silang gisultihan nga kon sila mokaon gikan niana, sila mamatay.
Dili gusto ni Satanas nga si Adan ug Eva mosunod kang Jehova. Busa siya migamit ug halas sa pagsulti kang Eva nga kon siya mokaon sa bunga sa maong kahoy, siya dili mamatay kondili maparehas siya sa Diyos. Siyempre, bakak kadto.—Genesis 3:1-5.
Basin Ganahan Pod Ka
IMPORTANTENG GITUDLO SA BIBLIYA
Nganong Gilalang sa Diyos ang Yuta?
Nindot kaayo ang atong yuta. Kini may eksaktong distansiya gikan sa adlaw, eksakto ang sukod sa pagkahirig niini, ug igo lang ang gikusgon sa pagtuyok niini. Unsay rason nga gihimo sa Diyos ang yuta nga nindot kaayo?
ANG BIBLIYA—UNSAY MENSAHE NIINI?
Ang Maglalalang Naghatag sa Tawo ug Paraiso
Giunsa paghubit sa Bibliya ang paglalang sa tawo? Unsang mga sugo ang gihatag sa Diyos sa unang magtiayon?
