KAHON SA IMPORMASYON 7B
Importanteng mga Termino sa Basahon sa Ezequiel
“Anak sa Tawo”
KAPIG 90 KA BESES
Sa kapig 90 ka beses, si Ezequiel gitawag ug “anak sa tawo.” (Ezeq. 2:1) Busa gipahinumdoman siya ni Jehova nga bisag nakadawat siyag dagkong pribilehiyo, siya tawo lang. Makapainteres nga sa Ebanghelyo, si Jesus gitawag nga “Anak sa tawo” mga 80 ka beses, nga nagpakita nga nahimo gyod siyang tawo, dili anghel nga nagsul-ob lag lawas sa tawo.—Mat. 8:20.
“. . . Makaila Gayod nga Ako si Jehova”
KAPIG 50 KA BESES
Sa kapig 50 ka beses, si Ezequiel nagrekord sa giingon sa Diyos nga ang katawhan “makaila gayod nga ako si Jehova,” nga nagpasiugda nga si Jehova lang ang takos nga modawat sa putling pagsimba.—Ezeq. 6:7.
“Soberanong Ginoong Jehova”
217 KA BESES
Ang terminong “Soberanong Ginoong Jehova” makita 217 ka beses, nga nagpasiugda nga ang balaang ngalan halangdon kaayo ug ang tanang kalalangan maoy ubos kang Jehova.—Ezeq. 2:4.
