SEKSIYON DOS
“Sangtuwaryo Nako ang Imong Gihugawan”—Putling Pagsimba Nahugawan
POKUS: Ang Juda ug Jerusalem nahugawan sa espirituwal ug moral
Si Jehova nahigugma ug nag-atiman sa mga Israelinhon ingong iyang “bililhon nga katigayonan.” (Ex. 19:5, footnote) Apan ang ilang gibalos kang Jehova mao ang pagsimba sa bakak nga mga diyos diha sa mismong templo nga nagdala sa iyang ngalan! Ilang gipasakitan ang kasingkasing ni Jehova ug gipasipalahan siya. Nganong nahimong daotan kaayo ang Israel? Unsay atong makat-onan sa tagna ni Ezequiel bahin sa pagkalaglag sa Jerusalem? Ug unsay atong makat-onan sa pagpakiglabot sa Israel sa mga nasod sa ilang palibot?
NIINI NGA SEKSIYON
KAPITULO 5
‘Tan-awa ang Daotan ug Dulumtanang mga Butang nga Ilang Ginahimo’
Nakita ni Ezequiel ang makapakurat nga mga buhat nga nagpakita sa pagkadaot sa espirituwalidad sa tibuok nasod.
KAPITULO 6
“Ang Kataposan Anaa Karon Kanimo”
Ang mga gimostra ni Ezequiel nagtagna sa paghukom ni Jehova batok sa Jerusalem.
KAPITULO 7
Ang mga Nasod “Makaila Gayod nga Ako si Jehova”
Ang mga nasod nga nagpasipala sa ngalan ni Jehova ug naglutos o naghatag ug daotang impluwensiya sa iyang katawhan dili makaikyas sa resulta sa ilang mga buhat. Unsang mga leksiyon ang atong makat-onan sa pagpakiglabot sa Israel sa maong mga nasod?
