KON UNSAON PAGDAOG ANG PAGDUMOT
1 | Ayaw Pagpihigpihig
Gitudlo sa Bibliya:
“Ang Diyos dili mapihigon, apan sa matag nasod [ang tanan] nga may kahadlok kaniya ug mobuhat kon unsay matarong dalawaton kaniya.”—BUHAT 10:34, 35.
Kahulogan:
Si Jehova * nga Diyos dili maghukom nato base sa atong nasod, rasa, kolor sa panit, o kultura. Nagpokus siya sa kon unsa gyoy importante—kon unsay naa sa atong hunahuna ug kasingkasing. Sa pagkatinuod, ang Bibliya nag-ingon nga “ang tawo nagatan-aw kon unsay makita sa mga mata, apan si Jehova nagatan-aw sa kasingkasing.”—1 Samuel 16:7.
Ang Imong Mahimo:
Bisag dili ta makabasag kasingkasing, masundog nato ang Diyos nga dili magpihigpihig sa uban. Lantawa ang mga tawo ingong indibiduwal, dili ingong grupo. Kon nakamatikod ka nga negatibo kag pagbati sa uban—tungod tingali kay lahi silag rasa o nasyonalidad—pag-ampo sa Diyos nga tabangan ka niya nga wad-on ang maong pagbati. (Salmo 139:23, 24) Kon sinsero kang mohangyo kang Jehova nga tabangan ka nga dili magpihigpihig, makaseguro ka nga maminaw siya sa imong pag-ampo ug iya kang tabangan.—1 Pedro 3:12.
^ par. 6 Jehova ang personal nga ngalan sa Diyos.—Salmo 83:18.
“Wala pa ko makasulay nga ako malinawong nakig-uban sa usa ka puting tawo . . . Karon ako bahin na sa usa ka internasyonal nga organisasyon nga nagpakitag tinuod nga panag-igsoonay.”—TITUS
Basin Ganahan Pod Ka
ANG BANTAYANANG TORRE
Si Jehova “Dili Mapihigon”
Ang Diyos mamati sa pag-ampo sa iyang mga magsisimba bisan unsay ilang rasa, nasyonalidad, o kahimtang sa katilingban. Giunsa nato pagkahibalo niana?
PAGMATA!
Unsay Giingon sa Bibliya Bahin sa Pagpihig sa Rasa?
Duna bay rasa nga labaw sa uban? Matapos ba ang pagpihig sa rasa?
