KON UNSAON PAGDAOG ANG PAGDUMOT
2 | Ayawg Panimalos
Gitudlo sa Bibliya:
“Ayawg balos ug daotan. . . . Kon posible, kutob sa mahimo, pakigdait mo sa tanang tawo. Ayaw mog panimalos, . . . kay nahisulat: ‘“Akoa ang panimalos; baslan nako sila,” nag-ingon si Jehova.’”—ROMA 12:17-19.
Kahulogan:
Normal lang nga masuko kon himoan tag dili maayo. Pero dili gusto sa Diyos nga manimalos ta. Gidasig ta niya nga maghulat kaniya kay hapit na niyang tul-iron ang tanang inhustisya.—Salmo 37:7, 10.
Ang Imong Mahimo:
Dihang manimalos ang dili hingpit nga mga tawo, mosamot ang pagdumtanay. Mao nga kon naay nakapasuko o nakapasakit nimo, ayawg balos. Kalma lang dihang makig-estorya ug pugngi ang imong kaugalingon. Sa ubang kahimtang, mas maayong palabyon na lang nimo ang nahitabo. (Proverbio 19:11) Siyempre, naay mga kahimtang nga kinahanglan tingali nimong ireport ang nahitabo. Pananglitan, kon biktima ka sa usa ka krimen, modesisyon tingali ka nga ireport kini sa mga polis o sa ubang awtoridad.
Makadaot sa kaugalingon ang pagpanimalos
Komosta kon morag dili masulbad ang problema sa malinawong paagi? O kaha gihimo na nimo ang tanan sa pagsulbad niini sa malinawong paagi? Ayawg panimalos aron dili mograbe ang situwasyon. Wad-a gyod ang pagdumot. Makasalig ka sa paagi sa Diyos sa pagsulbad sa problema. “Salig kaniya, ug siya molihok alang kanimo.”—Salmo 37:3-5.
Basin Ganahan Pod Ka
ANG BIBLIYA MAKABAG-O SA KINABUHI
Nangandoy Kong Mawala ang Inhustisya
Si Rafika misulod ug grupo nga gustog kausaban ug gustong mawala ang inhustisya. Pero nabasa niya ang saad sa Bibliya nga ang Gingharian lang sa Diyos ang makapatunghag kalinaw ug hustisya.
ANG BIBLIYA MAKABAG-O SA KINABUHI
Madaog ba sa Gugma ang Pagdumot?
Ang pagtangtang sa pagpihigpihig dili sayon. Sayra kon sa unsang paagi malamposon kining nahimo sa usa ka Hudiyo ug taga-Palestine.
TUBAG SA MGA PANGUTANA BAHIN SA BIBLIYA
Unsay Giingon sa Bibliya Bahin sa Pagpanimalos?
Ang tambag sa Bibliya nakatabang sa daghan nga malikayan ang pagpanimalos.
