Kitang tanan apektado sa kamatayon. Pero mao na ba nay kataposan sa tanan? Gikalimtan na ba sa Diyos ang mga patay? Naa pa ba silay paglaom?

ANG MGA PATAY WALA KALIMTI SA DIYOS

“Ang tanang anaa sa handomanang mga lubnganan . . . mangabanhaw.”​—Juan 5:28, 29.

Ang Diyos nahinumdom sa mga patay; banhawon niya kadtong naa sa iyang panumdoman.

DUNA UNYAY PAGPAMANHAW DINHI SA YUTA

“Duna unyay pagkabanhaw sa mga matarong ug sa mga dili matarong.”​—Buhat 24:15.

Bilyonbilyon ang banhawon ug may paglaom sila nga mabuhi sa walay kataposan sa yuta nga punog kalinaw.

KATUOHAN GYOD ANG PAGKABANHAW

“Ginaihap [sa Diyos] ang gidaghanon sa mga bituon; gitawag niya silang tanan sa ilang ngalan.”​—Salmo 147:4.

Kay mahinumdoman man sa Diyos ang ngalan sa tanang bituon, sayon ra kaayo niyang hinumdoman ang mga tawo nga iyang banhawon.