Unsay Giingon sa Bibliya?
Unsa ang Gingharian sa Diyos?
ANG UBAN NAGTUO nga kini anaa ra sa kasingkasing sa tawo; ang uban pod nagtuo nga kini maoy resulta sa paningkamot sa tawo sa pagpatunghag kalinaw sa kalibotan. Unsay imong hunahuna?
ANG GIINGON SA BIBLIYA
“Ang Diyos sa langit magatukod ug usa ka gingharian nga dili gayod malumpag. . . . Kini magadugmok ug magatapos niining tanang [tawhanong] gingharian.” (Daniel 2:44) Ang Gingharian sa Diyos maoy tinuod nga gobyerno.
UNSA PAY ATONG MAKAT-ONAN SA BIBLIYA?
Ang Gingharian sa Diyos magmando gikan sa langit.—Mateo 10:7; Lucas 10:9.
Gamiton sa Diyos ang Gingharian sa pagtuman sa iyang kabubut-on sa langit ug sa yuta.—Mateo 6:10.
Kanus-a moabot ang Gingharian sa Diyos?
UNSAY IMONG TUBAG?
Walay nahibalo
Hapit na
Dili gyod na moabot
ANG GIINGON SA BIBLIYA
“Kining maayong balita sa gingharian igawali sa tibuok gipuy-ang yuta ingon nga pagpamatuod ngadto sa tanang kanasoran; ug unya moabot ang kataposan.” (Mateo 24:14) Kon masangyaw na ang maayong balita sa tibuok yuta, ang Gingharian moabot sa paglaglag niining daotang sistema.
UNSA PAY ATONG MAKAT-ONAN SA BIBLIYA?
Walay tawong nahibalo kon kanus-a gayod moabot ang Gingharian sa Diyos.—Mateo 24:36.
Ang mga tagna sa Bibliya nagpakita nga hapit nang moabot ang Gingharian.—Mateo 24:3, 7, 12.
Basin Ganahan Pod Ka
TUBAG SA MGA PANGUTANA BAHIN SA BIBLIYA
Ang Gingharian sa Diyos ba Anaa Lang sa Imong Kasingkasing?
Unsay gipasabot sa Bibliya sa pag-ingon niini nga “ang gingharian sa Diyos anaa sa sulod ninyo”?
ANG BANTAYANANG TORRE
Nganong Iampo Nato nga Moabot ang Gingharian sa Diyos?
Unsay himoon sa Gingharian sa Diyos nga dili mahimo sa gobyerno sa tawo?
