“Ang Kinanindotang mga Magasin nga Mabatonan”

ANG MGA EDITOR sa Pagmata! karong bag-o pa nakadawat ug usa ka sulat gikan ni Lisel, usa ka 18-anyos nga estudyante sa hayskul sa Tinipong Bansa. Misulat siya:

“Ako nagkuha sa kurso sa kasaysayan nga pangkolehiyo. Usa ka kinahanglanon ang bug-os-gidukiduki nga sinulat nga asaynment, ug akong gipili ang pagsulat bahin sa moral nga resistensiya sa mga Saksi ni Jehova batok sa Nazismo sa Alemanya ubos sa Third Reich. Buot kong mangayog listahan sa mga reperensiya nga gitanyag sa kataposan sa artikulo sa Pagmata! nga nag-ulohang ‘Mga Saksi ni Jehova​—Maisogon Atubangan sa Kapeligrohan sa Nazi,’ nga diha sa isyu sa Hulyo 8, 1998. Ang artikulo bug-os nga natuki ug nasulat nga may maayong lohika nga kon himoon ko ang akong sinulat uban sa katunga lamang sa kamasiboton ug kamatuoran niini, ang kataposang produkto mao unyay usa ka dakong pamatuod ngadto sa hunta nga magtulotimbang sa akong trabaho.

“Salamat sa pagpadayon sa paggama sa kinanindotang mga magasin nga mabatonan. Sa matag isyu, akong madawat ang ‘mga pagtulon-an bahin sa pagsulat’ nga labaw kay sa bisan unsa nga gitanyag sa akong tunghaan, ug tungod niini ako matinguhaon nga mouswag sa matag sinulat nga akong himoon. Palihog hisayri nga ginapabilhan ko ang inyong paningkamot.”

[Picture Credit Line sa panid 22]

Hulagway sa tunga: Państwowe Muzeum Oświęcim-Brzezinka, kortesiya sa USHMM Photo Archives