“Kami Mapasalamaton Kaayo!”

“SEGURADO ako nga ang mga artikulo sa Pagmata! bahin sa mga estrok [Pebrero 8, 1998] nagdulag dakong bahin sa pagkabuhi sa akong inahan,” misulat si Carol, diha sa usa ka sulat ngadto sa sangang buhatan sa mga Saksi ni Jehova sa Canada. Gibati sa iyang inahan ang pagpaminhod sa iyang walang bukton, ug pagkasunod buntag, siya naglisod nang makakita. “Gusto niyang maghulat hangtod pagkasunod adlaw aron makigkita sa iyang doktor,” mipatin-aw si Carol, “busa giawhag gayod nako siya sa pagbasa sa mga artikulo sa Pagmata! maylabot sa mga estrok. Wala pay 15 minutos mitawag siyag balik kanako, nga nag-ingong mas maayong moadto siya sa ospital. Gihawiran siya sa mga doktor ug usa ka gabii aron mapanid-an. Pagkasunod adlaw ilang gikompirmar nga siya may pipila ka simtoma sa estrok, ug miingon sila nga maalamon ang iyang pag-adto sa ospital sa maong panahon. Kami mapasalamaton kaayo tungod niining seryeha sa mga artikulo!”

Tingali mahibulong ka sa pagkahibalo nga ang Bibliya naundan ug praktikal nga giya nga nagpasiugda sa pisikal ug mental nga kahimsog. Kining maong kamatuoran gipasiugda diha sa makaiikag 32-panid nga brosyur nga Usa ka Basahon Alang sa Tanang Tawo, diha sa mga panid 20 ug 21 maingon man sa mga panid 25 ug 26. Makahangyo ka ug kopya pinaagi sa pagpil-ap ug pagpadala sa kaubang kupon ngadto sa adres nga gipakita diha sa kupon o ngadto sa nahiangayng adres nga nalista sa panid 5 niining magasina.

□ Padalhi akog kopya sa brosyur nga Usa ka Basahon Alang sa Tanang Tawo.

□ Palihog kontaka ako bahin sa usa ka libreng pagtuon sa Bibliya sa balay.