‘Kana Mitabang Nako sa Pagsusi sa Akong Kinabuhi’

KANAY giingon sa usa ka 18-anyos nga dalagang ginganlag Maria nga taga-siyudad sa Cherepovets bahin sa librong Mga Pangutanang Gisukna sa mga Batan-on​—Mga Tubag nga Mosaler. Gisulat niya ang mosunod ngadto sa sangang-buhatan sa mga Saksi ni Jehova duol sa St. Petersburg, Rusya, mga 400 kilometros gikan sa Cherepovets.

“Kining basahona nakatabang nako sa pagsusi sa akong kaugalingon, akong mga tumong, ug sa mga tawo alirong nako. Akong nakaplagan ang mga tubag sa mga pangutanang labing makaiikag kanako. Samtang ako nagbasa sa basahon, ang mga luha sa kamapasalamaton midaligdig sa akong mga aping.”

Midugang si Maria: “Nahisama kadtog gikuhaag taptap ang akong mga mata, nga nanagko uban ang kahinam. Kining basahona mao ang kinamaayohang akong nabasa sa tibuok kong kinabuhi. Walay ikatandi niini, sanglit gipasukad kini sa Bibliya ug ang tambag ni Jehova nga Diyos mao ang kinamaayohan.”

Kon gusto nimong makapahimulos sa impormasyon diha sa Mga Pangutanang Gisukna sa mga Batan-on​—Mga Tubag nga Mosaler, makadawat kag usa ka kopya pinaagi sa pagpil-ap ug pagpadala sa gipataban nga kupon ngadto sa adres nga gipakita diha sa kupon o ngadto sa nahiangayng adres nga gitala sa panid 5 niining magasina.

□ Ipadala kanako ang librong Mga Pangutanang Gisukna sa mga Batan-on​—Mga Tubag nga Mosaler.

□ Palihog kontaka ako bahin sa usa ka libreng pagtuon sa Bibliya sa balay.