Usa ka Talagsaong Menteryo

SINULAT SA KORESPONSAL SA PAGMATA! SA ECUADOR

SA LUNGSOD sa Ibarra, amihanan sa kaulohang siyudad sa Ecuador, ang Quito, adunay usa ka talagsaong menteryo​—el cementerio de los pobres (ang Menteryo sa mga Kabos). Unsay nakapatalagsaon niini? Ang mga dibuho sa gawas sa paril maoy gipadak-ang mga bersiyon sa mga ilustrasyong direktang gikuha gikan sa mga basahon sa Watch Tower Society! * Ang letrato sa tunga maoy usa ka paghulagway kang apostol Juan, nga kinuha gikan sa panid 7 sa librong Pinadayag​—Hingpit nga Sangkoanan Niini Haduol Na! Ibabaw ni Juan, diha sa Kinatsila, mao ang teksto: “Ang Gingharian sa Diyos nagkahulogan sa pagkamatarong ug pakigdait ug kangaya. Roma 14:17.” Sa wala mao ang mga pulong sa Mateo 11:28: “Umari kanako, kamong tanan nga nagabudlay ug nabug-atan, ug ako magapalagsik kaninyo,” gikan sa New World Translation. Walay duhaduha kini nga paril sa menteryo magtultol sa katawhan ngadto sa Pulong sa Diyos.

[Footnote]