Nahibalo Ka Ba?

(Ang mga tubag niini nga pasulit mahimong makaplagan sa mga teksto sa Bibliya nga gisitar, ug ang bug-os nga listahan sa mga tubag gipatik sa panid 27.Alang sa dugang kasayoran, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Unsa ang amihanang utlanan sa Yutang Saad ug ang kinahabogang dapit sa palibot sa Palestina? (Josue 12:1)

2. Unsang hiyasa, nga gibatonan ni Jehova ug tilinguhaon diha sa mga tawo, ang dili usa ka timailhan sa kahuyangan? (Salmo 18:35)

3. Pila ka Asiryanhong manggugubat ang gipatay sa manulonda ni Jehova sa usa lang ka gabii? (2 Hari 19:35)

4. Kinsay nagbubo ug mahalon nga pahumot nga lana sa mga tiil ni Jesus ug nagpahid niini pinaagi sa iyang buhok? (Juan 12:3)

5. Unsa ang mga ngalan sa Hebreohanong mga mananabang nga wala mosunod sa mando ni Paraon nga patyon ang lalaking mga masuso ug dayon gipanalanginan ni Jehova ang ila mismong mga pamilya? (Exodo 1:​15-21)

6. Kinsang haria sa Juda, nga bisan tuod usahay sayop nga milihok panahon sa iyang 41 ka tuig nga pagmando, gilantaw ingong usa sa matinumanong mga hari? (1 Hari 15:​14, 18)

7. Sa tagna sa pagpasig-uli, unsang mananapa ang gikaingong “mokaon ug uhot ingon sa torong baka”? (Isaias 65:25)

8. Nganong gilibotan sa tanang kalalakin-an sa Sodoma, gikan sa batan-on ngadto sa tigulang, ang balay ni Lot? (Genesis 19:​4, 5)

9. Ingong pagtubag sa pag-ampo ni Samuel, unsay gigamit ni Jehova aron magkaguliyang ang mga Pilistihanon, nga maoy hinungdan sa ilang pagkapildi? (1 Samuel 7:​9, 10)

10. Unsang katarongan ang gihatag ni Moises sa dihang iyang gihangyo si Paraon sa pagtugot sa mga Israelinhon sa paglakaw? (Exodo 5:1)

11. Unsang mamungang kahoy nga ang sanga sagad gigamit nga simbolo sa kalinaw? (Tan-awa ang Isaias 17:6.)

12. Sa lima ka basahon sa Bibliya nga gisulat ni Juan, hain niini ang unang gisulat?

13. Kinsa ang giingon sa proverbio nga “purongpurong sa iyang tag-iya”? (Proverbio 12:4)

14. Bisan pag takos niini, kinsa ang midumili nga gantihan ni Haring David tungod kay 80 anyos ang pangedaron? (2 Samuel 19:​31-36)

15. Unsang simbolikong gidaghanon sa mga manulonda ang giingong gipahisalaag ni Satanas? (Pinadayag 12:4)

 Mga Tubag sa Pasulit

1. Bukid sa Hermon

2. Pagkamapaubsanon

3. 185,000

4. Maria, ang igsoon ni Marta ug Lazaro

5. Sifra ug Pua

6. Asa

7. Leyon

8. Gusto nilang lugoson ang iyang mga bisitang manulonda

9. Dalugdog

10. Aron makasaulog sila ug usa ka kasaulogan kang Jehova diha sa kamingawan

11. Ang olibo

12. Pinadayag

13. “Asawa nga may-katakos”

14. Barzilai, ang taga-Gilead nga gikan sa Rogelim

15. Ikatulo ka bahin