Usa ka Gamit sa Pagtudlo sa Tawhanong mga Katungod

ANG 17-anyos nga estudyante nga si Rut Jiménez Gila, nga nagpuyo sa Granada, Espanya, gidapit sa iyang magtutudlo sa pagsulat ug essay bahin sa tawhanong mga katungod. Daghang semana human matapos ang asaynment, siya gipahibalo sa pundok sa Uropanhong tigsusi sa Brussels, Belgium, nga siya napili, apil ang pipila pang ubang mga estudyante gikan sa Espanya, aron sa paghawas sa iyang nasod. Dayon siya misulat sa mosunod nga sulat ngadto sa mga magpapatik sa magasing Pagmata!

“Nagkinahanglan ako ug bag-ong impormasyon mahitungod sa tawhanong mga katungod, ug ang isyu sa ‘Pagmata!’ sa Nobyembre 22, 1998, ‘Aduna ba Gayod Unyay Tawhanong mga Katungod Alang sa Tanan?,’ nakatagana sa ako gayong gikinahanglan.Aron ikailustrar ang mga pag-abuso sa tawhanong mga katungod, gipili usab nako ang impormasyon gikan sa ubang mga artikulo sa ‘Pagmata!’ mahitungod sa umaabot sa kababayen-an ug bahin sa Holocaust. [Tan-awa ang mga isyu sa Abril 8, 1998, ug Agosto 8, 1998.] Sa panahon sa akong pagdukiduki akong nasuta nga ang ‘Pagmata!’ naundan ug impormasyon nga dili nako makita diha sa ubang mga magasin o reperensiyang mga basahon. Nakadayeg usab ako sa mga hulagway, ug gilakip ko ang uban niini diha sa akong report.

“Tungod sa akong essay nga nakadaog ug ganti, nakagugol ako ug usa ka semana sa Pinlandia, diin didto nakahisgot ako ug dugang bahin sa tawhanong mga katungod ug nakapatin-aw sa bili sa ‘Pagmata!’ sa pagpasiugda sa hinungdanong mga isyu nga sama niini.

“Daghan kaayong salamat sa pagkahimong una kanunay sa paghatag kanamo ug impormasyon bahin sa mga hitabo sa kalibotan. Hinaot nga si Jehova magpadayon sa pagpanalangin kaninyo, aron minilyong katawhan makapadayon sa pagpahimulos gikan niining impormasyona.”

[Mga hulagway sa panid 15]

Si Rut ug ang iyang sertipiko sa pagsalmot