Nakaplagan sa Usa ka Ateyista ang Tubag

“TALAGSAON ang mga artikulo nga gipatik diha sa inyong mga magasing Bantayanang Torre ug Pagmata! Ang inyong kinabag-ohang mga isyu makadani! Kini motubag ug daghan kaayong pangutana ug mohatag ug kalinaw sa hunahuna.”

Mao kini ang giingon sa usa ka magbabasa nga taga-habagatang India. Gipanganak siya nga Hindu, apan gimatuto siya sa iyang amahan ingong usa ka ateyista. Siya miingon: “Wala ko makakaplag ug katuyoan sa kinabuhi. Ang teoriya ni Darwin sa ebolusyon dili makataronganong paminawon. Sa daghang tuig nahagit ako sa mga pangutana, sama sa Kinsa ang Diyos? Nganong dunot kining kalibotana? Asa kita moadto human mamatay? Tinuod ba ang daotang mga espiritu?”

Tungod kay nakakaplag ug mga tubag sa iyang mga pangutana diha sa Ang Bantayanang Torre ug Pagmata! kining maong magbabasa misuskribir sa duha ka magasin, mipadalag gasang mga suskrisyon ngadto sa iyang igsoong babaye, ug karon mohatag sa mga magasin ngadto sa mga tawo nga iyang mahimamat. Ingong usa ka letratista ug magdidibuho, siya nagpahayag ug apresasyon sa mga dibuho sa mga magasin, nga naghatag ug mensahe nga walay mga pulong. Pinaagi sa pagbasa niining maayong mga magasin, makaduyog ka sa minilyon sa tibuok kalibotan kansang mga pangutana natubag ug nakabaton ug kalinaw sa hunahuna.

Kon gusto nimo ug dugang impormasyon bahin sa Diyos ug sa iyang katuyoan alang kanato, malipay kami sa pagpadala kanimo nga libre sa kaylap napanagtag nga brosyur nga Tinuod Bang May Pagtagad ang Diyos Kanato? Sulati lamang ang kaubang kupon ug ipadala kini ngadto sa adres nga gipakita dinhi o sa nahiangay nga adres nga nalista sa panid 5 niini nga magasin.

□ Interesado ako nga makadawat ug kopya sa brosyur nga Tinuod Bang May Pagtagad ang Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.

[Picture Credit Lines sa panid 32]

Panid 32: Einstein: U.S. National Archives photo; Nicholas II ug pamilya: Gikan sa librong Liberty’s Victorious Conflict; Liga sa Kanasoran nga tinukod: U.S. National Archives photo; Tawo sa bulan: NASA photo; Polusyon: Godo-Foto