Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang kompletong lista sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Pinaagi sa unsa nga gisultihan ni Jesus ang babayeng Samarianhon nga kinahanglang pagasimbahon ang Diyos? (Juan 4:24)

2. Aron sila makalahutay sa kalisod ug paglutos, unsay gihatag sa Diyos sa iyang matinumanong mga alagad? (2 Corinto 4:​7-10)

3. Kinsa ang kinamanghorang anak lalaki ni Maghuhukom Gideon, ang bugtong usa sa 70 ka anak lalaki nga wala mapatay sa iyang igsoon sa amahan nga si Abimelech? (Maghuhukom 9:5)

4. Unsang ngalan ang gihatag sa ika-50ng tuig human misulod ang Israel sa Yutang Saad, sa dihang giproklamar ang kagawasan sa tibuok yuta? (Levitico 25:10)

5. Gikan sa unsang gamayng gingharian nga ang mga anak ni Ammon nagsuhol ug 12,000 ka manggugubat aron magamit sa pagpakig-away batok kang David? (2 Samuel 10:6)

6. Unsay nakita sa Babilonyanhong Haring Nabucodonosor diha sa damgo sa ikaduhang tuig sa iyang pagmando nga nakatugaw kaayo kaniya? (Daniel 2:​1, 31)

7. Unsay gigisi ni Samson pinaagi sa iyang duha ka kamot diha sa unang natalang higayon sa iyang paggamit sa hinatag-sa-Diyos nga kusog? (Maghuhukom 14:​5, 6)

8. Unsang mananapa ang nakit-an ni Abraham nga nasangit ang mga sungay niini diha sa kalibonan nga iyang gigamit ingong halad puli ni Isaac? (Genesis 22:13)

9. Pinaagi sa pagbuhat ug unsa nga nakasala si Haring Saul sa sugo ni Jehova sa pagpakiggubat batok sa mga Amalekanhon? (1 Samuel 15:​3-9)

10. Human mabihag sa Babilonya, unsang ngalan ang giilis sa Ethanim, ang unang bulan sa sekular nga kalendaryong Hudiyohanon?

11. Diin nakita sa mga ginikanan ni Jesus ang ilang 12-anyos nga anak human mangita kaniya sa tulo ka adlaw? (Lucas 2:46)

12. Kinsa ang matagnaong gisultihan sa pagmaya sa madaogong pagsulod ni Jesus sakay sa usa ka asno? (Zacarias 9:9)

13. Nganong si Jesus mitambag sa pagtigom ug “mga bahandi sa langit”? (Mateo 6:20)

14. Unsay gihimo ni Jehova sa pagpakita sa iyang kasuko batok kang Solomon sa dihang si Solomon mibali sa paghalad sa ubang mga diyos sa natigulang na siya? (1 Hari 11:​14, 23-​26)

15. Unsay gitambag sa Kasulatan kanato nga pagabantayan labaw sa tanan? (Proverbio 4:23)

16. Unsay gihimo ni Haring Jehoiakim sa linukot nga basahon nga nasudlan sa mga pulong ni Jehova nga gitumong batok sa Israel sa dihang gibasa kini ngadto kaniya? (Jeremias 36:23)

17. Unsay gituohan ni Jacob nga nakapatay sa iyang anak nga si Jose? (Genesis 37:33)

18. Sa karaang mga panahon unsang siyudara ang nailhang “ang siyudad sa mga kahoyng palma”? (Deuteronomio 34:3)

 Mga Tubag sa Pasulit

1. “Espiritu ug kamatuoran”

2. “Gahom nga labaw sa kasarangan”

3. Jotam

4. Tinghugyaw

5. Istob

6. Usa ka dakong larawan nga tawo ug porma, kansang mga bahin hinimo gikan sa lainlaing mga metal

7. Usa ka lambungayan nga nating leyon

8. Usa ka laking karnero

9. Wala niya patya ang ilang hari, si Agag, maingon man ang kinamaayohan sa ilang panon ug kahayopan

10. Tishri

11. Diha sa templo

12. Ang “anak sa Zion”

13. Ang materyal nga mga bahandi mahanaw ug walay bili sa Diyos

14. Iyang gikuha ang iyang panalangin ug nagsugod sa pagpatunghag mga magsusukol batok kang Solomon

15. Ang mahulagwayong kasingkasing

16. Iya kining gigisi ug gilabay sa kalayo

17. “Usa ka mapintas nga ihalas nga mananap”

18. Jerico