Nakit-an ang Nawala

Sa miaging tuig, sa Maryland, T.B.A., usa ka lalaki matinahurong midumili sa Bantayanang Torre ug Pagmata! nga mga magasin. Apan, ang iyang batan-ong anak nga babaye mihangyo kon mahimo ba siyang makabaton niana, ug ang amahan miingon nga mahimo. Ang duha naglimpiyo sa ilang kotse ug naglabay ug basura sa duol nga basurahan. Nabalaka nga ang mga magasin tingalig ilabay, ang Saksi nga nagtanyag niini mihukom nga mobalik sa ulahi ug susihon ang basurahan.

Ang mga magasin wala didto, apan dihay gamayng bag ug pitaka. Dihadiha giduaw ang babaye kansang adres anaa sa gamayng bag. Sa nagkahiduol na sa iyang pinuy-anan, nakita sa duha ka Saksing miduaw ang usa ka edarang babaye nga nagbalhin sa usa ka laking kabayo ngadto sa kuwadra. Sa dihang gihatag nila kaniya ang mga butang, ang babaye mipatugbaw: “Salamat sa Diyos tungod kay ania dinhi ang tanang importanteng butang​—akong pasaporte, libreta sa tseke, mga credit card, ug mga papeles sa kabayo.” Siya miingon nga ang maong mga butang gikawat sa miaging gabii. Sanglit ang basurahan hapit nang habwaan, maayo na lang nga nasusi kadto.

Ang babaye mitanyag ug pahalipay, apan inay dawaton kana, ang magtiayon nga nag-uli sa gamayng bag ug pitaka mihatag kaniyag brosyur nga Unsay Gikinahanglan sa Diyos Kanato? Aron ipakita ang iyang apresasyon, ang babaye miisyug tseke aron gamiton sa pagpauswag sa tibuok-kalibotang pagpang-apod-apod nianang binase-sa-Bibliya nga mga publikasyon. Ug sukad niadto, siya nagpakitag tinuod nga interes sa pagtuon sa Bibliya.

Kon buot nimong makadawat ug libreng kopya sa 32-panid nga brosyur nga Unsay Gikinahanglan sa Diyos Kanato?, sulati ang kaubang kupon ug ipadala kini ngadto sa adres nga gitagana sa kupon o sa nahiangay nga adres nga nalista sa panid 5 niini nga magasin.

◻ Interesado ako nga makadawat ug kopya sa brosyur nga Unsay Gikinahanglan sa Diyos Kanato?

◻ Palihog kontaka ako mahitungod sa usa ka libreng pagtuon sa Bibliya sa balay.