“Nagustohan Ko ang Paagi sa Pagsaysay Niini sa mga Butang”

Kana ang giingon sa usa ka batan-ong business administration assistant nga taga-Yucatán, Mexico, bahin sa paagi sa magasing Pagmata! sa paghisgot sa mga topiko. Diha sa usa ka sulat iyang gisaysay nga siya natanyagan ug Pagmata! sa usa ka kaubang trabahante nga Saksi diha sa insurance brokerage nga kompaniya diin silang duha nagtrabaho.

Maylabot sa Pagmata!, siya miingon: “Kini maoy tinuod nga tinubdan sa impormasyon ug kamatuoran. Nagustohan ko ang paagi sa pagsaysay niini sa mga butang, tungod kay kini walay gidapigan sa politika ug wala mopabili sa pipila ka tawo nga labaw sa uban. Akong nakaplagan ang mga solusyon sa mga suliran pinaagi sa pagbasa niining magasina. Kini maoy makapadani, maayong-pagkatimbang, nunot-sa-panahon, makapauswag nga publikasyon. Ako nagpadala kaninyo sa akong kinasingkasing nga mga pahalipay!”

Pipila ka tuig kanhi ang Pagmata! naghisgot sa hagit bahin sa pagsagubang sa kamatayon sa usa ka minahal. Kanang impormasyona sa ulahi giedit pag-usab ug gipresentar diha sa brosyur nga nag-ulohang Sa Dihang ang Imong Minahal Mamatay. Lagmit ikaw o ang imong kaila mahupayan pinaagi sa pagbasa niining 32-panid nga brosyur. Makahangyo ka ug kopya pinaagi sa pagpil-ap ug pagpadala sa nagaubang kupon ngadto sa adres nga gipakita sa kupon o sa nahiangayng adres nga nalista sa panid 5 niining magasina.

◻ Interesado ako nga makadawat ug kopya sa brosyur nga Sa Dihang ang Imong Minahal Mamatay.

◻ Palihog kontaka ako maylabot sa usa ka libreng pagtuon sa Bibliya sa balay.