Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik diha sa panid 22. Alang sa dugang impormasyon, tan-awa ang publikasyong “Insight on the Scriptures,” gipatik sa Watchtower Bible and Tract Society of New York, Inc.)

1. Kinsay nakita ni apostol Juan “taliwala sa mga tungtonganag-lampara,” nga naghatag kaniyag mga mensahe alang sa pito ka kongregasyon? (Pinadayag 1:13)

2. Imbes tugotan ang atong kaugalingon nga “daogon sa daotan,” unsay gitambag ni Pablo nga atong buhaton? (Roma 12:21)

3. Unsay gipasabot ni Jesus sa dihang miingon siya: ‘Kon ang usa nga may awtoridad magpugos kanimo sa pag-alagad kaniya ug usa ka milya, ubani siya ug duha ka milya’? (Mateo 5:41)

4. Inay kay sa sinalapid nga buhok ug bulawang mga dayandayan, unsa ang gitambag ni Pedro nga idayandayan sa Kristohanong mga asawa sa ilang kaugalingon? (1 Pedro 3:​3, 4)

5. Unsay pagtawag ni Isaias kang Abraham, nga nagpaila nga siya mao ang tawhanong amahan sa nasod sa Israel? (Isaias 51:1)

6. Ngano mang si David, sa dihang siya didto sa lungib sa Adulam, midumili sa pag-inom sa tubig nga gidala ngadto kaniya sa tulo ka manggugubat gikan sa Betlehem? (2 Samuel 23:​15-17)

7. Unsay gibuhat ni Batseba sa dihang nakita siya ni David sa unang higayon? (2 Samuel 11:2)

8. Imbes tinta, unsay giingon ni Pablo nga gigamit sa pagsulat diha sa mga kasingkasing sa mga Kristohanon sa Corinto? (2 Corinto 3:3)

9. Unsay gigamit ni Jehova sa pagwagtang sa mga dulon sa ikawalo nga hampak, nga maoy hinungdan nga walay bisan usa ang nahibilin sa Ehipto? (Exodo 10:19)

10. Unsay mga hinungdan nga gipatay ni Jehova si Saul? (1 Cronicas 10:13)

11. Sa unsang dunggoanang siyudad nga si Pablo mibalhin ug laing sakayan ingong usa ka binilanggo paingon sa Roma? (Buhat 27:5)

12. Sa unsang paagi gipakita ni Jehova ang iyang kahingawa sa mga balo ug sa ilo-sa-amahan nga mga batang lalaki sa karaang Israel? (Exodo 22:​22-24; Deuteronomio 24:​17-21)

13. Unsay gihatag nga ngalan sa yutang gipalit sa mga saserdote pinaagi sa salapi nga gisalibay ni Judas sa templo? (Mateo 27:​3-8; Buhat 1:19)

14. Nganong kusganong gibadlong ni Pedro si Simon tungod sa pagtanyag ug salapi alang sa awtoridad aron makunsaran ug balaang espiritu? (Buhat 8:​20, 21)

15. Pilay edad ni Sara sa dihang nanganak siya kang Isaac? (Genesis 17:17)

16. Sa unsang yuta si Elimelek ug ang iyang asawa, si Noemi, milalin tungod sa gutom, diin ang ilang anak nga lalaking si Malon naminyo kang Ruth? (Ruth 1:​1-4)

 Mga Tubag sa Pasulit

1. Si Jesu-Kristo, kinsa gihubit ni Juan ingong “usang sama sa anak sa tawo”

2. “Padayong daoga ang daotan pinaagi sa maayo”

3. Siya nag-ilustrar nga kinahanglang andam nga magpasakop sa legal nga mga balaod

4. ‘Ang dili-madunot nga sapot sa malinawon ug malumong espiritu’

5. “Bato nga gikan niini kamo gisapsap”

6. Tungod kay naghawas kini sa ilang dugo, nga ilang gipameligro sa pagkuha niini

7. Naligo

8. “Espiritu sa buhing Diyos”

9. Usa ka makusog kaayong kanaway nga nagpadpad niini ngadto sa Pulang Dagat

10. Siya wala magmatinumanon kang Jehova tungod kay wala niya sunda ang iyang mga instruksiyon ug nagpakisusi siya sa espiritista

11. Mira sa Licia

12. Siya nagtagana alang sa ilang kaayohan ug panginahanglan

13. Akeldama, o “Yuta sa Dugo”

14. Siya nagpasundayag ug daotang motibo pinaagi sa pagtinguha nga paliton kining “libreng gasa sa Diyos,” ug ang iyang kasingkasing “dili tul-id sa panan-aw sa Diyos”

15. Siya maoy 90 anyos

16. Moab