“Bilib Ako Kaninyong Tanan”

KANA ang gisulat sa usa ka debotadong Katoliko nga taga-Fairhope, Alabama, T.B.A., mahitungod sa literatura sa mga Saksi ni Jehova ug niadtong nagdala niana kaniya.

“Ekselente ang pagkasulat ug ang unod sa estorya sa mga magasing Bantayanang Torre ug Pagmata!,” matod niya. “Malipay ako kanunay sa dihang ang pipila sa inyong katawhan moabot nga magdala kanakog usa ka kopya sa matag usa niana. Ug ginabasa ko kanang duha.

“Ang inyong katawhan maayohon kaayo ug maayog batasan, ug malipay kaayo ako nga magtan-aw sa mga tawong nagabuhat sa buluhaton sa Diyos (Jehova) nga mapahiyomon. Niining kinaulahiang higayon, duha ka bata ang mianha sa akong pultahan ug nagpailaila sa ilang kaugalingon ug nagtanyag kanako sa mga magasin. Gipasalamatan ko sila ug nalipay kaayo ako sa pagtan-aw sa mga bata nga nagabuhat ug maayong mga buhat inay kay mahimong mga problema.

“Ako usa ka debotadong Katoliko . . . , apan makadayeg ako sa talagsaong buluhaton nga ginabuhat sa inyong organisasyon ug sa katawhan niini. Gikan sa kahiladman sa akong kasingkasing, moingon ako nga gusto ko gayod ang inyong mga magasin ug nakadayeg ako sa inyong kahibulongan, mapahiyomong katawhan. . . . Bilib ako kaninyong tanan. Ipadayon ang maayong buhat.”

Ang mga Saksi ni Jehova nagtagana usab ug mga basahon aron matagan-an ang tinong mga panginahanglan. Usa niini ang 32-panid nga brosyur nga nag-ulohang Unsay Gikinahanglan sa Diyos Kanato? Sa 16 ka leksiyon kini magpaila sa paninugdang mga pagtulon-an sa Bibliya ug sa ginaingon sa Bibliya nga kinahanglang atong buhaton aron madawat ang pag-uyon sa Diyos. Kon buot nimong mohangyo ug libreng kopya, sulati ang nagaubang kupon ug ipadala ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.