Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang kompletong lista sa mga tubag gipatik sa panid 14. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)

1. Kon tawo man, hayop, o kaha abot, unsay gibaod ni Jehova nga ihalad kaniya? (Proverbio 3:9)

2. Diha sa Balaod, giila ni Jehova ang unsang galamiton sa panguma nga lagmit gamiton sa sayop nga paagi ingong hinagiban? (Exodo 21:18)

3. Agig pagpangandam sa pagtukod sa templo, unsay gitudlo ni Haring David nga buhaton sa langyawng mga molupyo? (1 Cronicas 22:2)

4. Samtang diha sa dalan paingon sa Emaus, kinsay misugyot nga si Jesus lagmit usa ka langyawng molupyo tungod kay siya daw wala mahibalo kon unsay nahitabo sa Jerusalem? (Lucas 24:18)

5. Kinsa ang gilista kanunay ingong ikaduha sa mga anak ni Noe, bisan kon siya lagmit mao ang kinamanghoran? (Genesis 5:32)

6. Kinsang Aaronikong saserdote ang nailhang hanas nga tigkopya ug magtutudlo sa Balaod? (Nehemias 8:13)

7. Sumala sa Deuteronomio 21:​20, 21, sa unsang mga buhat nga ang badlongon nga anak batoon hangtod sa kamatayon?

8. Ang Bul, nga ikawalong bulan sa Hudiyohanong sagradong kalendaryo, nailhan sa unsang magkasumpaking mga butang maylabot sa Israelinhong pagsimba? (1 Hari 6:​38; 12:​26-​33)

9. Unsang komon nga butang ang nahimong usa ka simbolo sa kalig-on ug pagkadili-mausab? (Numeros 18:19)

10. Unsay nagpamatikod sa magulang nga igsoong lalaki sa anak nga mausikon sa kamatuoran nga usa ka butang nga talagsaon ang nagakahitabo sa balay? (Lucas 15:25)

11. Diin gibubo sa ikapitong anghel ang iyang panaksan sa kasuko sa Diyos? (Pinadayag 16:17)

12. Unsa ang kasadpang utlanan sa imperyo sa Persianong Haring Ahasuero? (Ester 1:1)

13. Sa panan-awon, kinsay nakita ni Juan nga naglingkod sa mga trono nga naglibot sa trono ni Jehova? (Pinadayag 4:4)

14. Unsay pagtawag ni Jesus sa mahigugmaon-sa-tradisyon nga mga Pariseo? (Mateo 15:14)

15. Unsay pagtawag sa karaang mga tawo sa Mediteranyo sukad sa panahon ni Moises paunahan? (Numeros 34:6)

16. Unsay gibuhat sa Etiopianong eunuko sa dihang si Felipe miduol sa iyang karo? (Buhat 8:28)

17. Unsay gibuhat sa pagpaila nga ang usa ka ulipong Hebreohanon dili gusto nga hatagag kagawasan sa iyang agalon? (Exodo 21:6)

18. Diin man dad-a sa maayong Samaritano ang himalatyong Israelinhon nga iyang nakita diha sa dalan? (Lucas 10:34)

19. Kinsa ang unang matarong nga hari nga nagmando sa gingharian sa Juda? (1 Hari 15:11)

20. Kinsa ang pangulong artisano ug magtutukod sa tabernakulo, ug kinsa ang iyang pangulong luyoluyo? (Exodo 31:​2-6)

21. Unsay relasyon ni Jesus sa Kristohanong kongregasyon, nga nagpasiugda sa iyang pagkaulo ug mahigugmaong pag-atiman? (Efeso 5:​22, 23; Pinadayag 21:2)

22. Kinsang iladong babaye ang nakadungog sa depensa ni Pablo didto sa Areopago sa Atenas ug nahimong magtutuo? (Buhat 17:​33, 34)

23. Gipatugbaw ni Gobernador Festus nga ang “dakong nakat-onan” ni Pablo mao ang naghimo kaniya nga unsa? (Buhat 26:24)

24. Unsang hayop ang madaogong gisakyan ni Jesus ngadto sa Jerusalem? (Juan 12:​14, 15)

 Mga Tubag sa Pasulit

1. Ang unang mga bunga

2. Ang sarol

3. Pagsapsap ug mga bato

4. Cleopas

5. Ham

6. Esdras

7. Pagkaulitan ug paghuboghubog

8. Natapos ni Solomon ang pagtukod sa templo sa Jerusalem; mabuotbuotong gihimo ni Jeroboam kana ingong pista sa bulan sa amihanang gingharian aron ipatipas ang pagtagad sa mga tawo sa Jerusalem ug sa mga pangilin didto

9. Asin

10. “Siya nakadungog ug konsiyerto sa musika ug panagsayaw”

11. “Nganha sa hangin”

12. India

13. Kaluhaag-upat ka ansiyano

14. “Mga buta nga manggigiya”

15. Ang Dakong Dagat

16. Nagabasa sa tagna ni Isaias

17. Ang iyang dalunggan gitusok ginamit ang hilihod

18. Sa balay-abotanan

19. Asa

20. Bezalel, Oholiab

21. Bana

22. Damaris

23. Nagpabuang kaniya

24. Nating asno