Nahibalo Ka Ba?
Nahibalo Ka Ba?
(Ang mga tubag niini nga pasulit makaplagan diha sa mga teksto sa Bibliya nga gihatag, ug ang kompletong lista sa mga tubag gipatik sa panid 23. Alang sa dugang impormasyon, susiha ang publikasyong “Insight on the Scriptures,” nga gipatik sa Watchtower Bible and Tract Society of New York, Inc.)
1. Sa dihang ang mga Israelinhon napildi didto sa Ai tungod sa paglapas sa mga instruksiyon sa Diyos may kalabotan sa Jerico ug walay miangkon, sa unsang paagi napadayag ang makasasala? (Josue 7:14-21)
2. Nganong gipatay ni Jehova ang anak nga lalaki ni Juda nga si Onan? (Genesis 38:7-10)
3. Kinsay naghunahuna nga hubog ang matarong nga si Ana ug gibadlong siya? (1 Samuel 1:13, 14)
4. Nganong si Jesus nakaingon nga ang mga eskriba “makadawat ug mas bug-at nga paghukom”? (Lucas 20:46, 47)
5. Kinsay nagsulat sa duha ka basahon sa Cronicas? (Nehemias 12:26)
6. Unsay gigamit nga mahulagwayon sa Bibliya sa paghawas sa katakos sa paghatag ug kusog o gahom? (Jeremias 32:17)
7. Unsang pulong ang gigamit sa Bibliya alang sa sukod sa yuta nga madaro sa usa ka parisan nga baka sa usa ka adlaw? (1 Samuel 14:14)
8. Diin mahimutang ang Negeb? (Exodo 26:18)
9. Ang mga Ehiptohanon, Etiopianhon, ug mga Canaanhon maoy mga kaliwat ni kinsang anak ni Noe? (Genesis 10:6)
10. Unsang lunar nga bulan natapos ang templo ni Solomon? (1 Hari 6:38)
11. Unsang tanoma ang nagdulag hinungdanong papel sa pagpildi ni David sa mga Filistehanon didto sa ubos nga kapatagan sa Repaim? (2 Samuel 5:24)
12. Unsang dugang nga paagi nga ang ikaupat nga magkakabayo sa Pinadayag nag-ani sa iyang mga biktima? (Pinadayag 6:8)
13. Nganong ang mga Nepilim gitawag nga “mga tawong bantogan”? (Genesis 6:4)
14. Sa pagsugo ni Jehova, unsay gihimo aron ang umaabot nga mga kaliwatan makakita sa mana nga gikaon sa mga Israelinhon diha sa kamingawan? (Exodo 16:32, 33)
15. Unsay nahibaloan ni Timoteo ‘sukad pa sa pagkamasuso’ nga naghimo kaniyang “maalamon alang sa kaluwasan”? (2 Timoteo 3:15)
16. Kinsay nagkuha sa mga lawas ni Saul ug sa iyang mga anak nga lalaki gikan sa paril sa Bet-san, diin didto sila gibitay sa mga Filistehanon, ug naghatag kanila ug dungganong paglubong? (1 Samuel 31:11-13)
17. Sa unsang dapit gitawag ni Jesus si Pedro, Andres, Santiago, ug Juan aron mahimong iyang mga sumusunod? (Mateo 4:18-22)
18. Kang kansang hari sa Asirya nga si Menahem, nga hari sa Israel, mihatag ug tributo aron dili niya hilabtan ang Israel? (2 Hari 15:19)
Mga Tubag sa Pasulit
1. Gihusay ni Jehova ang nasod, gipili pag-una ang tribo, dayon ang pamilya, dayon ang panimalay, ug dayon ang tawong si Acan
2. Misupak sa iyang amahan ug milihok nga mahakogon, si Onan misupak nga mopatunghag manununod alang sa iyang namatay nga igsoong si Er
3. Hataas nga saserdoteng si Eli
4. Tungod kay gusto sila nga mahimong inila, mahakogon nilang ‘gipanukob ang mga balay sa mga babayeng balo,’ ug nagpasundayag ug pakaaron-ingnong pagkabalaan pinaagi sa ilang tag-as nga mga pag-ampo
5. Esdras
6. Ang bukton
7. “Akre”
8. Sa habagatan
9. Ham
10. Bul
11. Ang baca
12. Pinaagi “sa makamatay nga hampak”
13. Kini nagtumong, dili sa pagkabantogan uban sa Diyos, kondili sa kalisang nga ilang gipakaylap ingong mga daogdaogan ug mga mahariharion
14. Usa ka tibod ang gibutangan ug usa ka omer nga mana ug gibutang “sa atubangan ni Jehova”
15. “Balaang mga sinulat”
16. Maisog nga mga lalaki gikan sa Jabes-gilead
17. Dagat sa Galilea
18. Pul (Tiglath-pileser III)