“Nganong Atong Hatagag Pagtagad ang Katingalahang mga Buhat sa Diyos”
Gidapit kamo sa pagpaminaw sa walay-bayad nga pakigpulong publiko
“Nganong Atong Hatagag Pagtagad ang Katingalahang mga Buhat sa Diyos”
SUGOD niining bulana ang pakigpulong sa ibabaw ipahayag ingong pangunang bahin diha sa 54 ka tulo-ka-adlaw nga “Mga Magtutuman sa Pulong sa Diyos” Distritong mga Kombensiyon sa mga Saksi ni Jehova sa Pilipinas. Niini nga mga kombensiyon, 18 ang ipahigayon sa Cebuano, 15 sa Tagalog, 11 sa Iloko, 1 sa Iningles, ug 9 sa 4 ka ubang mga pinulongan sa Pilipinas. Ang tema sa ibabaw ipasiugda diha sa kapin sa 2,000 sa maong mga kombensiyon sa kapin sa 150 ka nasod sa tibuok kalibotan.
Sulod sa ika-20ng siglo, ang katawhan nakapalampos ug makapahinganghang mga butang ug walay duhaduha nga sa ika-21ng siglo daghan pa ang malampos. Apan pagkagamay ra niining mga buhat sa tawo kon itandi sa mga kalamposan sa Diyos! Dili ikahibulong nga ang karaang maalamong tawo miawhag: “Hunong ug magmatinagdanon sa katingalahang mga buhat sa Diyos”!—Job 37:14.
Unsang mga pagtulon-an ang angay natong makat-onan gikan sa mga kalalangan sa atong palibot, sama sa pagtaob-paghunas, sa ulan, sa niyebe, ug sa hangin? Sa unsang paagi ang tuboran niini angayng mag-impluwensiya sa atong kinabuhi karon? Kini ug ang ubang mga pangutana pagatubagon panahon sa pakigpulong.
Kontaka ang mga Saksi ni Jehova sa inyong dapit o sulati ang magpapatik niini nga magasin alang sa dapit sa kombensiyon nga labing duol kanimo.