Maduhaduhaon Apan Nangita Gihapon

SA USA ka sulat ngadto sa sangang buhatan sa mga Saksi ni Jehova sa Slovenia, usa ka lalaki nga miingong siya nabunyagan ingong Romano Katoliko mihangyo: “Palihog padad-i akog usa ka kopya sa brosyur nga Unsay Gikinahanglan sa Diyos Kanato? Buot ko usab ug pipila ka impormasyon kon unsaon nako pagkadawat nga regular sa magasing Pagmata! sa akong balay.”

Ang lalaki mipatin-aw: “Palihog ayaw kasayop sa pagsabot kanako. Ako may pagkamaduhaduhaon kon bahin sa relihiyon, apan ako halos nakuratan sa dihang gibasa ko ang Pagmata! kay kini dili gayod dogmatiko kondili nagpatin-aw sa mga butang sa prangka kaayo ug matulon-anong paagi.” Unya siya mihisgot sa usa ka inilang relihiyosong magasin ug miingon nga kini sa literal nag-impluwensiya sa mga tawo.

Gipatin-aw sa maong tawo kon nganong wala niya pil-api ang kupon sa likod sa Pagmata! aron mohangyo sa brosyur nga Gikinahanglan apan mipalabi sa pagsulat hinuon ug personal nga sulat. “Dili ko buot nga daoton ang Pagmata! nga magasin,” matod niya. “Buot ko nga magpabilin kining tibuok!”

Ang 32-panid nga brosyur nga Unsay Gikinahanglan sa Diyos Kanato? adunay 16 ka leksiyon. Niini ang pangunang mga pagtulon-an sa Bibliya gipaila ug ang impormasyon gipahayag gikan sa Bibliya sa pagpakita kon unsay kinahanglan natong buhaton aron makadawat sa pag-uyon sa Diyos. Kon ikaw buot usab nga mohangyo ug usa ka kopya niining brosyura, pil-api ang nagaubang kupon ug ipadala kini ngadto sa adres nga gipakita sa kupon o ngadto sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.

[Hulagway sa panid 32]

113 ka milyong kopya 240 ka pinulongan