Pagtabang sa mga Tawo sa Pagsagubang sa mga Suliran

ANG sangang buhatan sa mga Saksi ni Jehova sa Sri Lanka nakadawat ug sulat gikan sa sekretaryo sa Youth and Human Resources Development Society, Sidlakang Probinsiya. Ang sekretaryo mihangyo ug pipila ka daang mga isyu sa Pagmata! ug miingon:

“Nakaplagan ko ug sa akong mga kauban nga ang mga magasin nga inyong gipadala kanako maoy edukasyonal, matulon-anon, ug makapadasig maingon man makataronganon ug makapakombinsir. Ang mga magasin wala magpakaylap ug Kristohanong doktrina nga may nagpahiping motibo, sumala sa sayop nga gisulti sa pipila. Akong nakaplagan nga ekselente kini nga literatura.

“Adunay nagakadakong panginahanglan sa mga kopya sa Pagmata! (bag-o ug daan), ug aduna gayoy timailhan nga kini nga panginahanglan magpadayon sa pagtubo sa umaabot nga mga bulan. Ang mga artikulo sa inyong mga magasin nagtaganag kahibalo alang sa mga tigulang, mga batan-on, ug mga bata. Kini motabang sa tanan sa pagsagubang sa karon ug umaabot nga mga suliran nga gipahinabo tungod sa pagkawalay pagtagad may kalabotan sa relihiyon.”

Wala pa gayod mahitabo sa kasaysayan nga ang mga tawo nakaatubang ug mga suliran nga sama sa ilang giatubang karong adlawa. Daghan ang nahibulong gayod kon unsay anaa sa umaabot ug kon may usa ba ka Diyos nga nagtagad kanila. Kanang mga pangutanaha gitubag sa makapatagbaw nga paagi diha sa brosyur nga Tinuod Bang May Pagtagad ang Diyos Kanato? Makahangyo kag usa ka kopya pinaagi sa pagpil-ap ug pagpadala sa nagaubang kupon ngadto sa adres nga gipakita diha sa kupon o sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa brosyur nga Tinuod Bang May Pagtagad ang Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.