Ang “Aorta”—Usa ka Kahibulongang Disenyo

Ang aorta maoy usa ka makuting “matang sa tubo” kay sa naamgohan kaniadto sa mga siyentipiko. Sa unang daklit nga pagtan-aw, ang arko sa aorta maoy susama sa nakurba nga kuptanan sa usa ka payong. Apan dili kana bug-os husto. Ang arko sa aorta adunay, dili simpleng duhag-dimensiyon nga kurba, kondili tulog-dimensiyon nga kurba, samag-nagsirkulo nga seksiyong giputol gikan sa usa ka espring. Kon ibutang sa lapad nga dapit, kini molukot pataas.

Nganong ingon man niini ang disenyo? Tungod kay inay palatayon ang dugo libot sa arko nga samag tubig diha sa kurba sa usa ka suba, kini magpahinabo sa dugo nga motuyok diha sa aorta nga samag double-spiral nga paagi. Sa pasulod nga bahin sa kurba sa suba, mas hinay ang agos sa tubig, nga tungod niana matigom ang linugdang. Apan sa gawas sa kurba, ang suba mas kusog ug agos, nga mokutkot pa sa tampi sa suba. Diha sa aorta, ang maong pagkalahi sa katulin basin makapatigom sa peligrosong mga taliti sa mas hinay pasulod nga kurba. Bisan pa niana, pinaagi sa pagpugos sa dugo nga moagos nga patuyok, ang aorta makapamenos sa maong suliran pinaagi sa pagpahinabo nga ang dugo mohinlo sa mas hamis nga paagi sa daw-bungbong niini.

Tinuod gayod, ang aorta maoy usa ka milagrosong disenyo! Uban ang maayong katarongan, ang salmista sa Bibliya mipatugbaw: “Sa makalilisang nga paagi ako katingalahan nga pagkabuhat.”​—Salmo 139:14.

[Diagram sa panid 31]

(Alang sa aktuwal nga pagkahan-ay, tan-awa ang publikasyon)

AORTA

[Picture Credit Line sa panid 31]

Selula sa dugo sa luyo sa mga panid 24-6, ug 31: Lennart Nilsson