Nakapalig-on Kini sa Iyang Pagtuo

Usa ka babaye sa New York State, misulat mahitungod sa 32-panid nga brosyur nga nag-ulohag Will There Ever Be a World Without War?: “Natukmod ako sa pagsulat aron sa pagpahibalo kaninyo nga ako nakaapresyar ug nalingaw kaayo niini. Bisan pag ako dili Hudiyo ug gimatuto sa usa ka inahan nga usa sa mga Saksi ni Jehova, wala pa gayoy basahon nga nakapatandog pag-ayo sa akong kinabuhi!

“Nagpanuko ako sa pagbasa niini sa sinugdan tungod kay gibati ko nga sanglit naghisgot kini sa mga ulohan nga ilabinang makapaikag sa mga Hudiyo, malisdan ako sa pagsabot niini. Nasayop ako. Gipresentar ang tanang butang diha sa tin-aw ug makataronganong paagi.”

Ang pipila ka tawo sa kasaysayan nakasinati gayod ug grabeng pag-antos. Kini matuod diha sa mga Hudiyo, ilabina sa panahon sa Holocaust sa milabayng siglo. Among gidapit ka sa pagbasa sa Will There Ever Be a World Without War? Gitagad niini ang mga ulohan sama sa “Why Does God Permit Wickedness?” “Knowing the True God​—What Does It Mean?” ug “Who Will Lead the Nations to Peace?”

Makahangyo kag usa ka kopya pinaagi sa pagpil-ap sa nagaubang kupon ug pagpadala niini ngadto sa adres nga gipakita sa kupon o sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa brosyur nga Will There Ever Be a World Without War?

□ Palihog kontaka ako mahitungod sa usa ka libreng pagtuon sa Bibliya sa balay.