Panaghiusa sa Kalibotan—Dili Damgo Lamang

Usa ka tawo sa Estado sa Kerala, India, misulat sa magpapatik niining magasina: “Lahi ra gayod ang inyong magasing Pagmata! kon itandi sa tanang uban pang mga magasin. Sa akong hunahuna halos tanang ulohan ang gihisgotan niini. Ako ilabinang nalingaw sa pagbasa sa mga artikulo bahin sa kinaiyahan.”

Nakaplagan sa maong tawo nga makapadani ang Pagmata! tungod sa usa ka partikular nga rason, nga nagsaysay: “Sa akong hunahuna wala nay laing magasin nga makatumbas sa Pagmata! maylabot sa pagtabang sa mga tawo sa lainlaing mga nasyonalidad nga isipon ang ilang kaugalingon ingong mga igsoon. Walay laing magasin nga nagpasiugda sa ideya bahin sa panaghiusa sa kalibotan sama sa gihimo sa Pagmata! Kon akong itandi ang daghang magasin nga akong nabasa, ako tinong makaingon nga ang Pagmata! maoy usa ka bililhong magasin.”

Ang mga obserbasyon sa magbabasa bahin sa Pagmata! nahiuyon sa katuyoan nga gipahayag niini nga makita sa panid 4 sa matag gula, nga mao: “Kini sa kanunay walay gidapigan sa politika ug dili mobayaw sa usa ka rasa.” Labing hinungdanon, ang Pagmata! nagtultol sa mga magbabasa sa pagdangop sa atong Maglalalang alang sa mga tubag sa hinungdanong mga pangutana bahin sa kinabuhi.

Mao man usab ang 32-panid nga brosyur nga Unsay Gikinahanglan sa Diyos Kanato? Lakip sa 16 ka leksiyon niini mao ang mga ulohang “Kinsa ang Diyos?,” “Unsa ang Katuyoan sa Diyos Alang sa Yuta?,” ug “Unsa ang Gingharian sa Diyos?” Makahangyo kag kopya niini nga brosyur pinaagi sa pagpil-ap sa kaubang kupon ug sa pagpadala niini ngadto sa gihatag nga adres o sa nahiangayng adres nga nalista sa panid 5 niining magasina.

□ Interesado ako nga makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.