Dili Lamang Alang sa mga Tin-edyer

Sa sulat nga gipadala ngadto sa administratibong buhatan sa mga Saksi ni Jehova sa Polandia, ang 25-anyos nga si Jolanta misaysay nga siya naguol pag-ayo. Siya baldado mao nga dili siya makalakaw, ug sulod sa unom-ka-bulan nga yugto, ang iyang inahan ug apohang babaye namatay. Apan unya misugod siya pagbasa sa publikasyon nga Mga Pangutanang Gisukna sa mga Batan-on​—Mga Tubag nga Mosaler. Siya misulat:

“Nagtuo ako nga kining publikasyona mapuslanon alang sa mga tin-edyer apan dili kanako,” siya miingon. “Pagkasayop gayod nako! Sa pagtuon nako sa mga kapitulo 12 hangtod sa 16 sa maong libro, nakaplagan ko ang tin-awng mga tubag sa akong mga pangutana: ‘Nganong ako naguol pag-ayo ug nagmamingawon?’ ‘Nganong dili ako makaangay sa akong kaugalingon?’ ug ‘Nganong ako nasubo kaayo human sa mga kamatayon sa akong minahal nga mga paryente?’”

Siya mipadayon: “Duha ka punto diha sa panid 130 nakadani kanako: ‘Ang pagkasayod nga normal ang imong kasubo maoy dakong tabang sa pagsagubang niana. Apan ang pagpadayon sa dili pagdawat sa kamatuoran mopadugay lamang sa kasubo.’ Ang pagbasa niining mga pulonga nagpalig-on sa akong pagpangupot sa paglaom nga makita kadtong nangatulog na diha sa kamatayon, nga naghatag ug mas lalom nga kahulogan sa akong kinabuhi.”

Kon buot nimo nga masagubang ang imong negatibong mga pagbati ug mahimong makahuloganon ang imong kinabuhi, among gibati nga ikaw usab makapahimulos gikan sa librong Mga Pangutanang Gisukna sa mga Batan-on​—Mga Tubag nga Mosaler. Aron makahangyo ug kopya, pil-api ang kaubang kupon ug ipadala kini ngadto sa gihatag nga adres o sa nahiangayng adres nga nalista sa panid 5 niining magasina.

□ Interesado ako nga makadawat sa librong Mga Pangutanang Gisukna sa mga Batan-on​—Mga Tubag nga Mosaler.

□ Palihog kontaka ako mahitungod sa usa ka libreng pagtuon sa Bibliya sa balay.