Ang Hagit sa Pag-atiman sa mga Anak

Ang Britanya maoy usa ka mauswagong nasod sa Kasadpan. Apan, gibanabana nga matag tuig kapin sa 100,000 sa mga kabataan niini​—doble sa gidaghanon sa gituohan kanhi​—molayas sa balay. Tungod niini, 1 sa 7 ang nag-antos sa kapintasan o seksuwal nga pag-atake.

“Sa dihang ang mga bata mobati nga nahilain ug sinalikway, ang paglayas morag mahimong usa ka matang sa solusyon,” matod ni Ian Sparks, pangulong ehekutibo sa Children’s Society, kinsa midugang: “Kini nga isyu nag-apektar sa mga bata gikan sa tanang kahimtang sa kinabuhi​—ang mga bata nga gikan sa adunahang kasilinganan ug ang mga bata nga gikan sa kabos nga kasilinganan sa siyudad posible gayod nga molayas.”

Usa ka bug-at nga responsibilidad ang pag-atiman ug pagbansay sa mga anak. Asa man makakuhag tabang? Ang publikasyon nga Ang Sekreto sa Kalipay sa Pamilya gidisenyo aron matagan-an kini nga panginahanglan. Ang 16 ka kapitulo niini naglakip sa: “Bansaya ang Inyong Anak Sukad sa Pagkabata,” “Tabanging Mouswag ang Inyong Anak nga Tin-edyer,” ug “Panalipdi ang Inyong Pamilya Gikan sa Makadaot nga mga Impluwensiya.” Ang tanang 16 ka kapitulo sa libro naundan ug praktikal nga tambag ug, labing hinungdanon, naggamit sa Bibliya ingong tinubdan sa kaalam nga labaw kay sa atong kaalam.

Makahangyo ka ug kopya sa Ang Sekreto sa Kalipay sa Pamilya pinaagi sa pagpil-ap ug pagpadala sa kaubang kupon ngadto sa adres nga gipakita diha sa kupon o sa nahiangayng adres nga nalista sa panid 5 niining magasina.

□ Interesado ako nga makadawat ug kopya sa libro nga Ang Sekreto sa Kalipay sa Pamilya.

□ Palihog kontaka ako mahitungod sa usa ka libreng pagtuon sa Bibliya sa balay.