“Wala pa Gayod Ako Makabasa Sukad ug Libro nga Sama Niini”

Ang batan-ong si Łukasz, kinsa nagpuyo duol sa Szczecinek sa amihanang Polandia, nalingaw sa libro nga Is There a Creator Who Cares About You? Busa nakahukom siya sa pagdala niini sa eskuylahan ug sa paghatag niini ngadto sa iyang magtutudlo sa pisiko. Iyang gidani ang pagtagad sa iyang magtutudlo ngadto sa impormasyon mahitungod sa uniberso. Iyang gipakita kaniya ang ilustrasyon sa panid 78 (gihulad dinhi). Nagpasiugda kini ug mga kapilian maylabot sa sinugdanan sa uniberso, nga imo usab nga mapamalandong.

Sa ulahi gisultihan sa magtutudlo si Łukasz: “Wala pa gayod ako makabasa sukad ug libro nga sama niini. Gipatin-aw niini ang komplikado nga siyentipikanhong impormasyon sa mubo kaayo ug sa yano ug makataronganon nga paagi! Kon nadawat pa unta nako ug sayo ang libro, wala na unta ako mopalit sa kinabag-ohang libro sa pisiko para sa hayskul. Gamiton ko gayod kini sa akong mga klase.”

Ingong resulta sa pagbasa sa Is There a Creator Who Cares About You? daghan ang napalihok sa paghinuktok bahin sa sinugdanan ug katuyoan sa kinabuhi maingon man kon sa unsang paagi kita mitungha dinhi. Ug, labing hinungdanon, daghan ang natabangan nga makahimog mga konklusyon binase sa impormasyon nga ilang nadawat.

Ikaw usab makahangyo ug kopya niining 192-panid nga libro pinaagi sa pagpil-ap sa nagaubang kupon ug pagpadala niini ngadto sa adres nga gihatag o sa nahiangayng adres nga gilista sa panid 5 niining magasina.

□ Interesado ako nga makadawat ug kopya sa libro nga Is There a Creator Who Cares About You?

□ Palihog kontaka ako mahitungod sa usa ka libreng pagtuon sa Bibliya sa balay.

[Picture Credit Lines sa panid 32]

Courtesy of Anglo-Australian Observatory, photograph by David Malin

“Pillars of Creation” on cover of book: J. Hester and P. Scowen (AZ State Univ.), NASA