Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 21. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Sumala kang Pedro, unsang hiyasa ang angayng ipasundayag sa usa ka tawo aron madawat ang dili-takos nga kalulot sa Diyos? (1 Pedro 5:5)

2. Human sa pito-ka-adlaw nga pagmando sa ikalimang hari sa Israel nga si Zimri, kinsa ang duha ka lalaki nga nag-ilogay sa trono sulod sa upat ka tuig nga sibil nga gubat? (1 Hari 16:21)

3. Unsay nakapalisang sa mga Israelinhon, mao nga midumili sila sa pagsulod sa Yutang Saad? (Numeros 13:​28, 31-33; Deuteronomio 1:28)

4. Unsa ang kinadak-an sa Hebreohanon nga mga yunit sa timbang ug bili sa salapi? (Esdras 8:26)

5. Unsa konohay ang rason nga gipasugoan ni Felix si Pablo, apan unsa ang tinuod niyang tinguha? (Buhat 24:24-26)

6. Unsang termino ang gigamit ni Jesus sa paghulagway sa iyang kaugalingon ug sa iyang mga sumusunod? (Mateo 5:14; Juan 8:12)

7. Unsang pagtawag ang mapadapat lamang kang Jesus ug dili sa iyang mga sumusunod? (Mateo 23:10)

8. Unsang ekspresyon ang gigamit ni Santiago sa pagtumong sa ambisyon, pagkaprominente, ug gahom? (Santiago 4:1)

9. Unsang materyales sa pagtukod ang sagad nga gigamit diha sa Persianhong palasyo sa Susan? (Ester 1:6)

10. Sumala kang Juan, unsang tulo ka kalibotanong mga butang ang “wala magagikan sa Amahan”? (1 Juan 2:16)

11. Sa listahan ni Pablo sa espirituwal nga armadura sa usa ka Kristohanon, unsang bahina ang naghawas sa kaluwasan? (Efeso 6:17)

12. Kinsay nailhan nga nagpasidungog sa iyang mga anak nga lalaki nga labaw pa kang Jehova? (1 Samuel 2:27-29)

13. Unsa ang ikalimang letra sa Hebreohanong alpabeto? (Salmo 111:3)

14. Unsang bulana sa Hudiyohanong kalendaryo nga si Solomon nagsugod sa pagtukod sa templo? (1 Hari 6:1)

15. Kinsa ang Kristohanong manalagna nga nagtagna sa umaabot nga pagdakop kang Pablo sa Jerusalem? (Buhat 21:​10, 11)

 Mga Tubag sa Pasulit

1. “Pagkamapainubsanon sa hunahuna,” o pagkamapainubsanon

2. Tibni ug Omri

3. Ang ‘talagsaong gidak-on’ ug pagkakusgan sa mga molupyo

4. Ang talanton

5. Aron mamati bahin sa “pagtuo kang Kristo Jesus”; hiphip

6. “Ang kahayag sa kalibotan”

7. Pangulo

8. “Unodnong kalipayan”

9. Marmol

10. “Ang tinguha sa unod,” “ang tinguha sa mga mata,” ug “ang mapagawalong pagpasundayag sa mga kahinguhaan sa kinabuhi sa usa”

11. Ang helmet

12. Hataas nga Saserdoteng si Eli

13. Heʼ

14. Ziv

15. Agabo