Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 24. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Sumala ni Santiago, unsa ang mga ilhanan sa matuod nga Kristohanon? (Santiago 1:27)

2. Unsa ang kataposang hampak nga gipahamtang sa mga Ehiptohanon, nga nagpaneguro sa kagawasan sa mga Israelinhon? (Exodo 11:1, 5)

3. Unsang mga titik sa Gregong alpabeto ang gigamit maylabot kang Jehova? (Pinadayag 1:8)

4. Nganong wala dayon papahawaa ni Jehova ang tanang molupyo sa Yutang Saad sa atubangan sa mga Israelinhon? (Exodo 23:29, 30)

5. Aron maluwas ang iyang kaugalingon ug ang iyang pamilya, unsang tulo ka butang ang kinahanglang buhaton ni Rahab? (Josue 2:18-20)

6. Unsang sakit sa lawas ang gihampak ni Satanas kang Job? (Job 2:7, 8)

7. Nganong mikatkat si Zaqueo sa usa ka kahoyng sikomoro? (Lucas 19:3, 4)

8. Pila ang magulang nga mga lalaki ni David? (1 Cronicas 2:15)

9. Sa unsang paagi gisulayan sa rayna sa Sheba ang kaalam ni Solomon? (1 Hari 10:1)

10. Unsa ang usa ka porma sa Hebreohanong pulong alang sa “Ginoo”? (Genesis 15:2)

11. Inigkakita sa unsang ilhanan nga kinahanglang mokalagiw ang mga tinun-an ni Jesus gikan sa Judea? (Marcos 13:14)

12. Nganong makalaom gayod kita nga maangkon ang kinabuhing walay kataposan? (Tito 1:2)

13. Hinimo sa unsa ang arka nga gibutangan sa masuso nga si Moises? (Exodo 2:3)

14. Unsang instrumentoha, nga kas-a lang gihisgotan sa Bibliya, ang gipatokar sa dihang gisaulog ang pagbalhin sa Arka ngadto sa Jerusalem? (2 Samuel 6:5)

15. Pila ka tinun-an ni Jesus ang iyang gipadala nga una kaniya sa iyang kataposang kampanya sa pagsangyaw sa Judea? (Lucas 10:1)

16. Unsang tumong ang anaa sa hunahuna sa mga Pariseo sa dihang gisukna nilag mga pangutana si Jesus? (Mateo 22:15)

17. Unsay mahitabo bisan sa “ngalan sa mga daotan”? (Proverbio 10:7)

 Mga Tubag sa Pasulit

1. “Pag-amping sa kaugalingon nga dili mahugawan sa kalibotan” ug magmahunahunaon niadtong namatyag bana o mga ginikanan

2. Ang kamatayon sa tanang panganay, gikan sa tawo ngadto sa hayop

3. Alfa ug omega

4. Aron ang ihalas nga mga mananap dili modaghan batok kanila diha sa usa ka yuta nga kalit nga nahimong awaaw

5. Tigomon ang iyang pamilya diha sa iyang balay, ihikot ang pula nga hilo diha sa bentana, ug maghilom bahin sa pagduaw sa mga espiya

6. Usa ka grabeng hubag gikan sa ulo ngadto sa tiil

7. Dili siya makakita kang Jesus tungod sa iyang pagkamubo

8. Unom

9. Iyang gipangutana siya ug “makapalibog nga mga pangutana”

10. Adonay [o Adhonai]

11. “Sa dulumtanang butang nga magpahinabog kalaglagan nga nagbarog sa dapit nga dili kini angay”

12. Gisaad kana sa Diyos, ug siya dili makabakak

13. Papiro

14. Ang sistrum

15. 70 (35 ka paris)

16. “Aron sa pagbitik kaniya sa iyang mga sulti”

17. Kini “madunot” ug mahanaw