Nahibalo Ka Ba?

(Ang mga tubag niini nga pasulit makita diha sa mga teksto sa Bibliya nga gihatag, ug ang bug-os nga listahan sa mga tubag gipatik diha sa panid 22. Alang sa dugang impormasyon, susiha ang publikasyon nga “Insight on the Scriptures,” nga gipatik sa mga Saksi ni Jehova.)

1. Nganong miingon si Isaias nga ang mga diyos nga bulawan ug plata isalibay ngadto sa mga kabog sa adlaw ni Jehova? (Isaias 2:20)

2. Nganong gisugo ang mga Israelinhon nga dili hutdon pag-ani ang kadaplinan sa ilang mga uma? (Levitico 19:9)

3. Ubos sa Moisesnong Balaod, unsay gibaod nga himoon sa usa ka tawo kon iyang nadaot ang mata o nahingo ang ngipon sa iyang ulipon? (Exodo 21:​26, 27)

4. Kanus-a lang puwedeng makahawa sa siyudad nga dalangpanan ang usa ka mamumuno? (Numeros 35:25)

5. Pila ka adlaw ang milabay gikan sa pag-ampo ni Cornelio sa Diyos ug sa pag-abot ni Pedro aron makigkita kaniya? (Buhat 10:30-33)

6. Unsay giingon ni Pablo nga angayng buhaton ngadto “kanila nga nagapahinabog pagkabahinbahin ug mga higayon sa pagkapandol”? (Roma 16:17)

7. Unsang kadaot sa panglawas ni Job ang gipaagom ni Satanas kaniya sa paningkamot nga ikompromiso ni Job ang iyang integridad? (Job 2:7)

8. Diin ang mga Israelinhon sa dihang sila mikaon ug mana sa unang higayon ug sa dihang unang gipatuman ang balaod sa Igpapahulay? (Exodo 16:1)

9. Sa unsang paagi gipatay ni Ehud si Haring Eglon sa Moab? (Maghuhukom 3:16)

10. Unsang probinsiya sa Roma ang nahimutangan sa pito ka kongregasyon nga gipadad-an ni Juan ug mga mensahe? (Pinadayag 1:4)

11. Sa unsang mananap nga si Jesus kanunayng gitandi, ug ngano? (Juan 1:29)

12. Unsang termino ang gigamit alang sa pundok sa katubigan sa yuta nga giilang lahi sa mamala? (Habacuc 2:14)

13. Unsang materyal ang gigamit ni Noe diha sa arka aron dili kini sunopan ug tubig? (Genesis 6:14)

14. Unsay nahitabo didto sa langit human maentrono si Kristo? (Pinadayag 12:7)

15. Kinsa ang duha ka tinun-an nga gisugo ni Jesus sa pagpangandam alang sa iyang kataposang pagsaulog sa Paskuwa? (Lucas 22:7-13)

16. Si Jesus gitagna nga madaogong mosulod sa Jerusalem sakay sa unsang mananap? (Zacarias 9:9)

17. Ang mga tapolan giawhag sa pagsundog sa mga hiyas sa unsang insekto? (Proverbio 6:6)

18. Unsay nahitabo sa dihang gigamit ni Pedro ang iyang espada sa tinguha sa pagdepensa kang Jesus? (Juan 18:10)

19. Unsang insektoha ang gisala pag-ayo sa mga Pariseo aron dili mahimong hugaw sa seremonyal nga paagi? (Mateo 23:24)

20. Kinsay gihisgotan nga nagpasidungog sa iyang mga anak nga lalaki nga labaw kang Jehova? (1 Samuel 2:​22, 29)

 Mga Tubag sa Pasulit

1. Tungod kay ang dapit nga mangitngit ug mahugaw maoy angay sa maong mga idolo ug dili ang pasidungog ug pagkaprominente

2. Aron ang mga naglisod ug ang langyawng mga molupyo dunay mahagdaw

3. Hatagag kagawasan ang ulipon

4. Sa dihang mamatay ang hataas nga saserdote

5. Upat ka adlaw

6. Ipunting ang mga mata kanila ug likayan sila

7. Iyang gihampak si Job ug grabeng mga hubag nga nagputos sa iyang tibuok lawas

8. Sa kamingawan sa Sin

9. Espada nga duhay sulab

10. Asia

11. Kordero. Tungod sa papel ni Jesus isip halad

12. Dagat

13. Alkitran

14. Usa ka gubat nga miresulta sa pagtambog kang Satanas gikan sa langit

15. Pedro ug Juan

16. Usa ka asno

17. Ang hulmigas

18. Giputol niya ang tuong dalunggan ni Malco, nga ulipon sa hataas nga saserdote

19. Ang tagnok

20. Hataas nga Saserdoteng Eli