Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Nganong sayop alang sa usa ka tawo nga mosulay nga ipanimalos ang iyang kaugalingon o ang uban? (Roma 12:19)

2. Nganong gidili ni Jehova ang pagsimba sa mga larawan? (Isaias 42:8)

3. Unsay panglantaw ni Jesus sa iyang hinatag-sa-Diyos nga asaynment sa yuta? (Juan 4:34)

4. Diin si David gidihogan ingong hari, nga mao ang iyang kaulohan una pa siya mibalhin sa Jerusalem? (2 Samuel 2:1-4)

5. Sumala kang Juan, ang balangaw palibot sa trono ni Jehova kaamgid sa unsang bililhon nga bato? (Pinadayag 4:3)

6. Unsa ang usa ka dapit nga sa walay duhaduha gihapitan ni Pablo sa dihang gidala siya paingon sa Roma ingong usa ka binilanggo? (Buhat 28:13)

7. Unsang balaknong mga pulong ang gigamit ni Jeremias sa paghisgot bahin sa Jerusalem sa dihang nagbangotan sa pagkapukan niini? (Lamentaciones 2:2)

8. Kinsang haria nga tungod kay si David nahadlok kaniya, si David nagpakaaron-ingnon nga nabuang? (1 Samuel 21:12-15)

9. Nganong usa ka krimen nga angayng silotan ug kamatayon ang paghimog igdidihog nga lana nga gilagda ni Jehova kang Moises o ang paggamit niini sa personal? (Exodo 30:31-38)

10. Kinsa ang tinun-an nga maoy hinungdan sa “pagsilaob sa kasuko” ni Pablo ug Bernabe nga miresulta sa ilang panagbulag? (Buhat 15:36-41)

11. Sumala sa Juan 3:​16, unsay pasikaranan aron ang usa ka tawo makabaton ug kinabuhing walay kataposan?

12. Unsay pagtawag sa unang-siglong mga Kristohanon sa ilang mga isigkamagtutuo? (3 Juan 14)

13. Kinsay nailhan tungod sa iyang dinaganan sa dihang maghatod ug balita kang David? (2 Samuel 18:27)

14. Nganong wala tugoti si Moises nga makasulod sa Yutang Saad? (Numeros 20:7-12)

15. Kinsay ilado tungod sa pagpadagan sa iyang karwahe nga “hilabihan kakusog”? (2 Hari 9:20)

 Mga Tubag sa Pasulit

1. Tungod kay si Jehova nag-ingon: “Akoa ang panimalos; ako magabalos”

2. Siya lamang ang takos sa pagsimba, himaya, ug pagdayeg

3. Alang kaniya kini maoy sama sa pagkaon

4. Hebron

5. Esmeralda

6. Puteoli

7. “Anak nga babaye ni Juda”

8. Akis, ang hari sa Gat

9. Kini giisip nga balaan, nga nagpaila sa kahinungdanon ug pagkasagrado sa mga butang nga gihikay ni Jehova

10. Marcos

11. Pagpasundayag ug pagtuo kang Jesus

12. Mga higala

13. Ahimaaz

14. Siya milihok nga madalidalion ug wala maghimaya sa ngalan ni Jehova sa dihang nagtagana ug tubig alang sa mga Israelinhon

15. Jehu