Nahibalo Ka Ba?

(Ang mga tubag niini nga pasulit makaplagan diha sa gihatag nga mga teksto sa Bibliya, ug ang bug-os nga listahan sa mga tubag gipatik sa panid 14. Alang sa dugang impormasyon, konsultaha ang publikasyong “Insight on the Scriptures,” nga gipatik sa mga Saksi ni Jehova.)

1. Sa dihang nagsugo si Jezebel nga pamatyon ang mga manalagna ni Jehova, kinsa ang nagtago sa 100 kanila diha sa mga langob? (1 Hari 18:​3, 4)

2. Unsang titulo ni Jesus ang giila bisan sa mahugawng demonyo nga gipagula ni Jesus gikan sa usa ka tawo sa sinagoga sa Capernaum? (Lucas 4:34)

3. Unsay ngalan sa bana ni Naomi? (Ruth 1:3)

4. Kinsa ang lima ka Romanong magmamando nga gihisgotan ni Lucas sa pag-establisar sa panahon nga gisugdan ni Juan Bawtista ang iyang ministeryo? (Lucas 3:1)

5. Sa unsang direksiyon nag-atubang ang tabernakulo ug ang templo? (Numeros 3:38)

6. Pilay anak ni Jese, ug ikapila si David taliwala kanila? (1 Samuel 17:​12, 14)

7. Nganong ang mga Pariseo nagsuknag mga pangutana kang Jesus? (Mateo 22:15)

8. Unsang Filistehanong siyudad ang giadto ni Samson aron sa pagkuhag 30 ka besti nga ihatag niadtong ‘makatag-an’ sa iyang tigmo? (Maghuhukom 14:19)

9. Sa panan-awon ni Juan sa trono ni Jehova, sama sa unsa ang ikaduhang buhing linalang? (Pinadayag 4:7)

10. Unsang siyudara ang wala laglaga ni Jehova sa dihang ang hari ug ang iyang mga katawhan naghinulsol sa ilang daotang mga dalan? (Jonas 3:1-10)

11. Nganong gitambagan kita nga ‘magmasinugtanon niadtong nagapanguna’ diha sa kongregasyon? (Hebreohanon 13:17)

12. Mahitungod sa pagsalikway sa Diyos sa kinaiyanhong Israel pabor sa espirituwal nga nasod, kinsang manalagnaa ang nagtagna nga “kadtong dili akong katawhan pagatawgon ko nga ‘akong katawhan’”? (Roma 9:25)

13. Sa panan-awon ni Juan, unsay gigamit sa manulonda sa paggapos kang Satanas? (Pinadayag 20:1)

14. Nganong mibalhin man si Aquila ug Priscila gikan sa Roma ngadto sa Corinto? (Buhat 18:2)

15. Nganong dili gayod nato kapangitaag sayop ang kasuko sa Diyos? (Josue 7:1)

16. Sa unsa gipakasama ni Isaias ang daotang mga tawo nga nahimulag sa Diyos? (Isaias 57:20)

17. Kinsa ang kataposan sa mga hari sa Juda nga nagmando sa Jerusalem? (2 Hari 24:18)

18. Unsay ngalan sa instrumento sa pagsulat nga gigamit sa paghimog mga kinulit diha sa yutang kulonon o talo? (Isaias 8:1)

19. Unsay gisulti ni Jesus sa eskriba nga nag-ingong moadto siya bisan asa moadto si Jesus, nga nagpaila nga kadtong mosunod kaniya makaagom sa kalisdanan? (Lucas 9:58)

20. Kinsa ang daotang hari sa Moab nga dako kaayog tiyan nga ang espada nga giduslak ni Ehud midulot uban sa puloan sa sulod niini? (Maghuhukom 3:17-22)

21. Unsay gipangutana ni Cleopas kang Jesus nga nagpakita nga dili siya makatuo nga si Jesus morag wala mahibalo sa di pa dugayng panghitabo sa Jerusalem? (Lucas 24:18)

 Mga Tubag sa Pasulit

1. Ang alagad sa palasyo, si Abdias

2. “Balaang Usa sa Diyos”

3. Elimelek

4. Tiberio Cesar, Poncio Pilato, Herodes Antipas, iyang igsoong si Felipe, ug si Lisanias

5. Sidlakan

6. Walo; kinamanghoran

7. “Aron sa pagbitik kaniya sa iyang mga sulti”

8. Askelon

9. “Toreyong baka”

10. Nineve

11. Aron makahatag sila ug husay “uban ang kalipay ug dili uban ang panghupaw,” nga “makadaot” kanato

12. Oseas

13. “Usa ka dakong kadena”

14. Tungod sa sugo ni Claudio nga nagpapahawa sa mga Hudiyo gikan sa Roma

15. Kanunay kining makataronganon, kontrolado, ug kaharmonya sa iyang mga hiyas nga gugma, kaalam, ug hustisya

16. Dagat nga gikusokuso

17. Zedekias

18. Usa ka dagang

19. “Ang Anak sa tawo walay dapit nga kapahilunaan sa iyang ulo”

20. Eglon

21. “Nagapuyo ka ba ingon nga usa ka langyaw nga nag-inusara sa Jerusalem?”