Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 22. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Sa damgo ni Haring Nabucodonosor, unsay giingon sa manulonda nga ihatag ngadto sa taas kaayo nga kahoy nga giputol, ug unsay kahulogan niini? (Daniel 4:16)

2. Unsay gihatag ni Samson sa mga Filistehanon panahon sa kombira sa iyang kasal nga sa ulahi naghatag kaniyag higayon sa pagpatay ug 30 ka Filistehanon didto sa Askelon? (Maghuhukom 14:12-19)

3. Tungod sa dili-mausab nga balaod, kinsang magmamando sa Babilonya ang napugos sa pagtambog kang Daniel ngadto sa gahong sa mga leyon? (Daniel 6:9)

4. Pila ka opisyal sa palasyo ang gipadala ni Haring Ahasuero aron sa pagdala kang Rayna Vasti ngadto kaniya aron iyang ikapakita ang iyang kaanyag? (Ester 1:10)

5. Sumala kang Santiago, unsang duha ka butang ang buot sa Diyos diha sa “pagsimba nga hinlo ug wala mahugawi”? (Santiago 1:27)

6. Kon ang usa ka Hebreohanong ulipon dili buot makabaton ug kagawasan gikan sa iyang agalon, unsay kinahanglang buhaton sa agalon? (Exodo 21:6)

7. Kinsa sa duha ka anak ni Eliab nga Rubenhon ang mipaluyo kang Kore sa iyang pag-alsa batok kang Moises ug Aaron? (Numeros 16:1-3)

8. Unsang pagdaot sa panit ang gidili alang sa mga Israelinhon? (Levitico 19:28)

9. Kinsay inahan ni Haring Ezequias? (2 Hari 18:2; 2 Cronicas 29:1)

10. Sumala kang Solomon, dunay unsa ang “matag kalihokan ilalom sa langit”? (Ecclesiastes 3:1)

11. Unsay gisugo ni Jehova nga buhaton ni Jeremias sa dihang gisunog ni Haring Jehoiakim ang linukot nga basahon human madungog ang pipila ka paghukom diha niana? (Jeremias 36:27-32)

12. Kinsay nailhang saserdote ug hanas nga magkokopya? (Nehemias 8:9)

13. Nganong mibalibad ang mga anak nga lalaki ni Jacob sa hangyo sa ilang amahan sa pagbalik sa Ehipto aron sa pagpalit ug dugang pagkaon panahon sa gutom? (Genesis 43:1-5)

14. Sa unsang paagi si Adan gihimo diha “sa dagway sa Diyos”? (Genesis 5:1)

15. Unsang isog ug baho nga tanom ang gihisgotan ni Jesus maylabot sa makutikutihong paghatag sa mga Pariseo sa ikapulo, kinsa nagsalikway sa “mas bug-at nga mga butang sa Balaod”? (Mateo 23:23)

16. Sa unsang paagi gisulayan ni Jeremias ang pagkamasinugtanon sa mga Rekabita? (Jeremias 35:3-6)

17. Giunsa paglimbong si Jacob sa napulo ka igsoong lalaki ni Jose aron maghunahuna siya nga si Jose gipatay sa ihalas nga mananap? (Genesis 37:31-33)

18. Bisan tuod ug dihay uban pa nga mas dagko, kinsa ang labing iladong higante nga gihisgotan sa Bibliya? (1 Samuel 17:4)

19. Diing bukira namatay si Moises, human makita ang Yutang Saad? (Deuteronomio 32:​49, 50)

20. Ang tabernakulo ug ang ulahing mga templo nag-atubang sa unsang direksiyon? (Numeros 3:38)

 Mga Tubag sa Pasulit

1. “Kasingkasing sa mananap.” Nga si Nabukodonosor mawad-an sa iyang maayong pangisip ug molihok nga sama sa mananap

2. Usa ka tigmo

3. Dario

4. Pito

5. “Ang pag-atiman sa mga ilo ug sa mga babayeng balo sa ilang kasakitan, ug ang pag-amping sa kaugalingon nga dili mahugawan sa kalibotan”

6. Dad-on siya ngadto sa pultahan o sa haligi sa pultahan ug ‘tusokon ang iyang dalunggan ginamit ang hilihod’

7. Datan ug Abiram

8. Usa ka patik

9. Abias, o Abi sa minubo

10. “Tinudlong panahon”

11. Sa pagsulat ug bag-o ug mas taas pa nga sulat

12. Esdras

13. Giingnan sila sa magmamando sa Ehipto nga dili sila makabalik kon dili nila iuban ang ilang kinamanghorang igsoon, si Benjamin

14. Nabatonan niya ang mga gahom ug katakos sa panghunahuna nga labaw kaayo sa tanang ubang yutan-on nga mga linalang, sama sa diyosnong mga hiyas ug pagbati sa moralidad

15. Yerbabuyna

16. Gidalitan silag bino ug giingnan silang moinom niana, nga maoy supak sa sugo sa ilang mga katigulangan nga dili buhaton

17. Ilang gituslob sa dugo sa kanding ang taas nga besti ni Jose nga may budlis ug gipakita kini kang Jacob

18. Goliat

19. Nebo

20. Silangan