Nahibalo Ka Ba?

(Ang mga tubag niining maong pasulit makita diha sa mga teksto sa Bibliya nga gisitar, ug ang kompletong lista sa mga tubag gipatik diha sa panid 27. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Human mamugna ang mas maayong hudisyal nga sistema, unsang sugo ang gihatag ni Haring Jehosafat sa mga maghuhukom, sanglit sila magahukom man alang kang Jehova ug dili alang sa tawo? (2 Cronicas 19:7)

2. Bisan pag ang Milenyal nga Pagmando ni Kristo maglakip sa iyang pagbaton ug luyoluyong mga hari-saserdote sa langit, kinsay maghawas kaniya ug magpatuman sa iyang mga instruksiyon dinhi sa yuta? (Salmo 45:16)

3. Sa unsang rehiyon naggikan ang tanang 11 ka matinumanong mga apostoles ni Jesus? (Lucas 4:14)

4. Unsay gihangyo ni Josue alang sa gilikosan nga mga Gabaonhon aron maparot ang mga Amorihanon? (Josue 10:​12, 13)

5. Unsang mga ngalan ang gihatag diha sa Bibliya alang sa Patayng Dagat? (Deuteronomio 3:17)

6. Nganong si Haman naglaraw sa pagpuo sa tanang Hudiyo sa Persianhong Imperyo? (Ester 3:​5, 6, 10)

7. Unsay gipangatarongan ni Rabsake, nga tigpamaba ni Senakerib, aron sa pag-awhag kang Ezequias nga dili na mosukol ug mosurender? (2 Hari 18:33-​35)

8. Kinsa ang duha ka manalagna nga prominente panahon sa pagmando ni David? (2 Samuel 12:1; 24:11)

9. Unsay gihimo sa Diyos sa ikaduhang adlaw sa paglalang? (Genesis 1:7)

10. Diin man ang mga Israelinhon sa dihang gipadala ni Josue ang duha ka espiya ngadto sa Jerico? (Josue 2:1)

11. Unsa ang mga sambog sa “balaang igdidihog nga lana”? (Exodo 30:23-​25)

12. Unsang mga gasa ang gisaad ni Belsazar ngadto sa tawo nga makahubad sa sinulat diha sa bungbong? (Daniel 5:7)

13. Unsang insektoha ang gihisgotan diha sa Bibliya tungod sa kakugihan ug kinaiyanhong kaalam niini? (Proverbio 6:6)

14. Kinsa ang hari sa Judea nga gisulong sa usa ka milyon ka Etiopianhong kasundalohan? (2 Cronicas 14:​9, 10)

15. Ang tawong hungog nga mosubli sa iyang kabuang gipakasama sa unsang mananap nga mobalik pagkaon sa iyang sinuka? (Proverbio 26:11)

16. Unsang duha ka suba sa Damasco ang giisip ni Naaman nga labaw kay sa “tanang tubig sa Israel”? (2 Hari 5:12)

17. Unsay giakusar kang Jesus tungod kay siya miingon nga siya moestar sa balay ni Zaqueo, ang maniningil ug buhis? (Lucas 19:7)

18. Pila ka Asiryanhon ang gipatay sa usa ka manulonda sa usa ka gabii? (2 Hari 19:35)

19. Sumala sa giingon ni Pedro, sa unsang paagi gisilotan sa Diyos ang “mga manulonda nga nakasala”? (2 Pedro 2:4)

 Mga Tubag sa Pasulit

1. “Pag-amping ug lihok kamo, kay kang Jehova nga atong Diyos walay pagkadili-matarong o pagpihigpihig o pagdawat ug hiphip”

2. Mga prinsipe

3. Galilea

4. Nga ang adlaw ug bulan dili molihok

5. “Ang dagat sa Araba, ang Dagat sa Asin”

6. Kay gitawag nga “Agagihanon,” si Haman lagmit gayod nga kaliwat sa mga Amalekanhon​—usa ka katawhan nga gihukman nga mapuo tungod sa ilang pagdumot sa mga Judiyo

7. Siya miergo nga si Jehova, sama lamang sa mga diyos sa ilang nasakop nga mga siyudad, dili makaluwas sa Jerusalem

8. Si Natan ug Gad

9. “Ang hawan”

10. Sa Sitim, sa desyertong kapatagan sa Moab

11. Mira, humot nga kaningag, humot nga calamo, casia, ug lana sa olibo

12. Besti nga purpura, kulentas nga bulawan, ug ang katungdanan nga ikatulong magmamando sa gingharian

13. Ang hulmigas

14. Si Haring Asa

15. Usa ka iro

16. “Ang Abana ug ang Parpar”

17. “Misulod siya sa pag-estar uban sa usa ka tawo nga makasasala”

18. 185,000

19. Pinaagi sa pagtambog kanila ngadto sa Tartaro