Ang Bibliya—Pulong sa Diyos o sa Tawo?

DAGHAN kaayo ang problema niining modernong kalibotan. Ang mga kaminyoon nangabungkag. Kaylap ang kapintasan diha sa pamilya. Gatosan ka milyon ang gigutom. Kusog nga mikaylap ang krimen. Lisod makab-ot ang kalinaw ug kasegurohan. Nganong ingon man niini ang mga kahimtang? Aduna bay bisan unsang solusyon?

Ang Bibliya wala lamang maghatag ug mga tubag niining mga pangutanaha kondili nagtagana usab ug giya alang sa adlaw-adlawng pagkinabuhi. Nan, dili ba kita angayng mainteres kon unsay giingon sa Bibliya?

Ang pipila ka tawo nagtuo nga ang Bibliya maoy usa lamang ka koleksiyon sa mga tumotumo, kasugiran, ug kaalam sa ordinaryong mga tawo. Apan, ang uban nagtuo nga ang Bibliya maoy inspiradong Pulong sa Diyos. Hain sa maong panghunahuna ang husto? Ang librong Ang Bibliya​—Pulong sa Diyos o sa Tawo? motabang kanimo sa pagtubag nianang pangutanaha. Gidapit ka namo sa pagsusi mismo sa mga kamatuoran. Ang paghimo niana mahimong makapausab sa imong kinabuhi hangtod sa hangtod.

□ Interesado akong makadawat ug kopya sa libro nga Ang Bibliya​—Pulong sa Diyos o sa Tawo?

□ Palihog kontaka ako mahitungod sa usa ka libreng pagtuon sa Bibliya sa balay.

[Picture Credit Line sa panid 32]

Alexander the Great: Roma, Musei Capitolini