Gipadpad Kadto sa Hangin

Usa ka lalaki ang naglakaw diha sa kadalanan sa Mumbai, India, sa dihang mihuros ang hangin ug usa ka pulyeto ang napadpad nganha sa iyang tiilan. Kadto mao ang Kingdom News Num. 36, nga nag-ulohang “Ang Bag-ong Milenyo​—Unsay Anaa sa Umaabot Alang Kanimo?” Ang ulohan nakadani sa iyang pagtagad. Sa walay langan, gipunit niya kana ug gibasa ang enterong pulyeto. Napukaw ang iyang interes, ug kay gustong mahibalo ug dugang pa, mihangyo siya nga mokuha ug usa ka Bibliya ug uban pang mga publikasyon.

Ang pulyeto nga gipatik sa mga Saksi ni Jehova naundan sa makapalig-on-sa-pagtuo nga mga hunahuna. Kini tin-awng nagsaysay nga ang mga problema nga atong giatubang, lakip na sa sakit, kakabos, ug gubat, gipahinabo sa “kadalo, kawalay-pagsalig, ug kahakog​—mga taras nga dili mapapha sa siyentipikanhong panukiduki, teknolohiya, o politika.” Ang tract nagpakita usab nga sa umaabot, wagtangon sa Diyos gikan niining yutaa ang tanang pagkadaotan.

Gusto ba nimong mahibalo ug dugang bahin sa mga saad sa Bibliya alang sa umaabot? Ang mga Saksi ni Jehova nagtudlo ug Bibliya diha sa kabalayan sa milyonmilyong tawo, ginamit ang gipasukad-sa-Bibliya nga mga publikasyon, lakip sa brosyur nga Unsay Gikinahanglan sa Diyos Kanato? Kining maong brosyur nagtubag sa mga pangutana sama sa: Kinsa ang Diyos? Unsay katuyoan sa Diyos alang sa yuta? Unsa ang Gingharian sa Diyos? Sa unsang paagi ang Bibliya makapauswag sa imong pamilyahanong kinabuhi?

Kon buot nimo nga ang mga Saksi ni Jehova moduaw sa imong balay sa pagtabang kanimo sa pagsabot kon unsay buhaton sa Diyos sa haduol nga umaabot, sila malipay nga mobuhat niana ug mohatag kanimo ug dugang impormasyon bahin sa Gingharian sa Diyos. Palihog pil-api ang kupon sa ubos aron matabangan ka nila.

□ Interesado akong makadawat ug kopya sa brosyur nga Unsay Gikinahanglan sa Diyos Kanato?

□ Palihog kontaka ako mahitungod sa usa ka libreng pagtuon sa Bibliya sa balay.