Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 13. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Diing dapita nga si Moises ug Aaron napakyas sa pagbalaan kang Jehova, sa ingon nawad-an sa pribilehiyo nga makasulod sa Yutang Saad? (Numeros 20:​12, 13)

2. Kinsa ang grupo sa mga tulisan nga mikawat sa mga baka ug mga asna ni Job ug mipatay sa iyang mga sulugoon? (Job 1:​14, 15)

3. Sa tulo ka kauban ni Daniel, kinsay ginganlag Mesak samtang didto sa Babilonya? (Daniel 1:7)

4. Unsang bunga sa espiritu ang gihinganlan sunod sa gugma? (Galacia 5:22)

5. Diin gilabay sa kusgang manulonda ang “bato nga sama sa usa ka dakong galingan nga bato” aron ipaila ang kalit nga kalaglagan sa Dakong Babilonya? (Pinadayag 18:21)

6. Unsang mga gasa ang malimbongong gipangayo ni Gehazi kang Naaman sa ngalan ni Eliseo? (2 Hari 5:22)

7. Kinsang haria sa mga Amorihanon ang wala motugot sa mga Israelinhon nga moagi sa iyang gingharian, bisan pag misaad sila nga dili gani moinom ug tubig didto? (Numeros 21:21-23)

8. Kinsay nagbaligya sa langob sa Makpela ngadto kang Abraham ingong lubnganan ni Sara? (Genesis 23:8-10)

9. Sumala sa Proverbio 29:​25, unsang problema ang moresulta gumikan sa “pagpangurog tungod sa mga tawo,” ug sa unsang paagi kini malikayan?

10. Unsang bunga sa espiritu sa Diyos ang ikatulo nga gihinganlan? (Galacia 5:22)

11. Unsay gihimo ni Pinehas nga nakapahimuot kang Jehova ug nakapahunong sa hampak nga nakapatay sa 24,000 ka Israelinhon? (Numeros 25:6-14)

12. Ang bath, cab, cor, ephah, hin, homer, log, omer, ug seah maoy mga matang sa unsa? (Exodo 16:32)

13. Unsay gilista sa mga apostoles ug mga ansiyano sa Jerusalem ingong “kinahanglanong mga butang” dihang misulat ngadto sa mga igsoon sa Antioquia, Sirya, ug Cilicia? (Buhat 15:​28, 29)

14. Nganong mibiyahe man ang rayna sa Sheba ngadto sa Jerusalem? (1 Hari 10:4)

15. Unsa ang usa ka talagsaong bahin sa tanang balaang mga panagkatigom nga gideklarar ni Jehova alang sa nasod sa Israel? (Levitico 23:7)

16. Unsa ang kinamub-an sa upat ka Ebanghelyo?

17. Sa dihang miabot ang panon aron dakpon si Jesus, kinsay gitigbas ni Pedro, nga nagpalong sa iyang tuong dalunggan? (Juan 18:10)

18. Unsa ang tulo ka pinulongan nga gigamit sa orihinal nga pagsulat sa Bibliya? (Esdras 4:7; Pinadayag 9:11)

19. Kinsay nailhan pag-ayo ingong tiglalin nga mga tawo, nga nagpuyo diha sa mga tolda ug namuhig mga hayop? (Jeremias 3:2)

20. Nganong gibaoran ang mga Israelinhon nga dili hutdon pag-ani ang kadaplinan sa ilang mga uma? (Levitico 19:​9, 10)

 Mga Tubag sa Pasulit

1. Ang katubigan sa Meriba

2. Ang mga Sabeanhon

3. Misael

4. Kalipay

5. Sa dagat

6. “Usa ka talanton nga plata ug duha ka ilisan nga besti”

7. Sihon

8. Epron nga Hitihanon

9. Kini nagadalag lit-ag. Pagsalig kang Jehova

10. Kalinaw

11. Gipatay niya ang pangulo sa banay ni Simeon nga si Zimri ug ang Midianhong babaye nga iyang gidala sa iyang tolda aron makighilawas

12. Sukod

13. “Padayong magaayad sa mga butang nga gihalad ngadto sa mga idolo ug gikan sa dugo ug gikan sa mga butang nga naluok ug gikan sa pakighilawas”

14. ‘Aron makita ang tanang kaalam ni Solomon’

15. Walay bisan unsang matang sa mahago nga buluhaton ang pagabuhaton

16. Marcos

17. Si Malco, ang ulipon sa hataas nga saserdote

18. Hebreohanon, Aramaiko, ug Grego

19. Mga Arabiano

20. Aron magbilin ug pipila ka lugas “alang sa sinakit ug sa langyaw nga pumoluyo”