“Ang Pagmata! Nakaluwas sa Akong Kinabuhi!”

Ang mga magpapatik sa Pagmata! nakadawat ug usa ka mapasalamatong sulat gikan sa Italya. Sa bahin, kini nag-ingon:

“Nagabasa akog Pagmata! sulod na sa 40 ka tuig, ug nakadayeg ako sa pagpresentar niini sa nagkalainlaing praktikal nga mga ulohan. Di pa dugay, didto ko sa akong gitrabahoan sa dihang nabatyagan ko ang grabeng kasakit sa akong tiyan ug dughan. Nakahukom kong mopauli, apan sa dihang nabatyagan ko na usab kini sa ikaduhang higayon, nasabtan nako ang akong kahimtang. Nahinumdoman ko dayon ang usa ka artikulo sa Pagmata! nga naghubit sa mga simtoma sa atake sa kasingkasing. * Nakahukom ko nga moadto sa ospital. Didto pa ako sa lawak hulatanan sa dihang nalup-og ako ug nawad-ag panimuot. Gisultihan na lang ko niana pagkasunod adlaw didto sa intensive care unit.

“Buhi pa gihapon ako karon tungod sa abtik nga paglihok sa hanas nga mga doktor. Apan pasalamatan ko usab ang inyong magasin, nga naghatag ug impormasyon nga nakatabang kanako sa paghimog maalamong desisyon sa pag-adto sa ospital. Ang Pagmata! nakaluwas sa akong kinabuhi!”

[Footnote]