Nahibalo Ka Ba?

(Ang mga tubag niini nga pasulit makaplagan diha sa mga teksto sa Bibliya nga gihatag, ug ang bug-os nga listahan sa mga tubag gipatik sa panid 24. Alang sa dugang impormasyon, susiha ang publikasyong “Insight on the Scriptures,” nga gipatik sa mga Saksi ni Jehova.)

1. Nganong nag-ingon man ang magtitigom nga “ang tulo ka bakukon nga pisi dili daling mabugto”? (Ecclesiastes 4:12)

2. Ilalom sa Moisesnong Balaod, ang ipakaon nga mananap angayng naghupot sa unsang duha ka kinaiya? (Deuteronomio 14:6)

3. Kinsay amahan ni Josue? (Josue 1:1)

4. Sa dihang gitugotan ni Jehova nga sakiton si Job sa pisikal, unsay gibuhat ni Satanas kang Job? (Job 2:7)

5. Kinsay nagtug-an kang Haring Ahasuero bahin sa 50 ka maniko nga estaka nga gihimo ni Haman alang kang Mardokeo, nga tungod niana nagsugo ang hari sa pagbitay kang Haman diha niana? (Ester 7:9)

6. Matod ni Jesus, sa unsang paagi mailhan ang bakak nga mga manalagna? (Mateo 7:​15, 16)

7. Unsang titulo ni Jehova, nga nagpasiugda sa iyang papel ingong halangdon ug takos sa masimbahong pagtahod nga Maghuhukom sa tanan, ang makaplagan lamang diha sa basahon ni Daniel? (Daniel 7:22)

8. Unsang mahalon nga mga butang ang gidala sa panon sa mga barko sa Tarsis ni Haring Solomon ngadto kaniya sa matag tulo ka tuig nga paglawig niini? (1 Hari 10:22)

9. Kinsay kauban ni Aaron nga misangga sa giisa nga mga kamot ni Moises hangtod nga gihatag ni Jehova ang kadaogan ngadto sa Israel batok sa mga Amalekanhon? (Exodo 17:12)

10. Sa unsang paagi gitino sa mga tinun-an kon kinsa ang mohulip sa puwesto ni Judas Iscariote? (Buhat 1:23-26)

11. Kinsa ang hataas nga saserdote sa Israel sa panahon nga si Samuel nahimong manalagna? (1 Samuel 3:1)

12. Sa panahon sa pagpalingkod sa katungdanan sa saserdote sa Israel, gibutang ni Moises ang dugo diha sa unsang tulo ka bahin sa lawas ni Aaron ug sa iyang mga anak? (Levitico 8:​23, 24)

13. Inay himoon si Eva nga usa ka bulag nga linalang gikan sa abog sa yuta, gikan sa unsa nga siya giumol sa Diyos? (Genesis 2:​21, 22)

14. Unsay giingon ni Pablo nga “maoy gamot sa tanang matang sa makadaot nga mga butang”? (1 Timoteo 6:10)

15. Ingon sa gipakita sa Kasulatan, unsay sukod sa yuta nga madaro sa usa ka parisan nga torong baka sa usa ka adlaw? (1 Samuel 14:14)

 Tubag sa Pasulit

1. Aron ipasiugda nga kadtong nagtambayayongay nga may panaghiusa ug katuyoan adunay mas dakong kusog ug katakos sa pagsagubang sa mga suliran

2. Kini kinahanglang pikas ug kuko ug nagapangusap

3. Si Nun

4. Iyang “gihampak si Job pinaagig grabeng mga hubag gikan sa lapalapa sa iyang tiil hangtod sa iyang alimpulo”

5. Si Harbona, usa sa mga opisyal sa palasyo

6. “Pinaagi sa ilang mga bunga”

7. “Karaan sa mga Adlaw”

8. Bulawan, plata, garing, mga aliwas, ug mga paboreyal

9. Si Hur

10. Sila nag-ampo ug nagripa

11. Si Eli

12. Sa tuo nga dalunggan, sa kumagko sa tuo nga kamot, ug sa kumagko sa tuo nga tiil

13. Sa usa ka gusok gikan kang Adan

14. “Ang gugma sa salapi”

15. Medya ektarya