Ang Isyu Kon sa Unsang Paagi Nagsugod ang Kinabuhi

SA Pransiya, diha sa mga eskuylahan ug sa palaumagian sa balita, ang teoriya sa ebolusyon gipresentar ingong dili malalis nga kamatuoran. Tungod niana, bisan pag ang mga tawo nagtuo sa Diyos, sila sagad nag-isip sa ebolusyon ingong ang bugtong posible nga katin-awan sa sinugdan sa kinabuhi. Bisan pa niana, daghan ang dili kombinsido sa maong teoriya tungod kay sila nahingangha sa pagkakomplikado sa buhing mga organismo. Ang sangang buhatan sa mga Saksi ni Jehova sa Pransiya nakadawat sa mosunod nga sulat:

“Di pa dugay, nakaplagan ko ang libro nga inyong gipatik nga nag-ulohang Life​—How Did It Get Here? By Evolution or by Creation? diha sa usa ka tindahag segunda-mano nga mga libro. Kining gamay nga libro nakapainteres gayod kanako, tungod kay nagtuo ako nga gihisgotan niini ang tinuod nga mga isyu nga gilantugian. Kay nabansay ingong pisiko, interesado ako sulod na sa daghang tuig bahin sa komplikadong mga isyu sa ‘Darwinismo’ ug sa uban pang ‘mga teoriya sa ebolusyon.’ Kini nag-angkon nga nagpatin-aw sa kausaban sa dili-buhi nga mga butang ngadto sa buhing mga organismo, o ang pagsugod sa kinabuhi gikan sa walay-kinabuhi.”

Human mabasa ang iyang giingon nga “gamay nga libro,” ang nagsulat miingon: “Ang Life​—How Did It Get Here? maayo kaayong pagkatagik ug dokumentado ug nagsumaryo pag-ayo sa mga problema ug dili-masulbad nga mga panagsumpaki nga giatubang sa komplikadong teoriya sa ebolusyon nga komong gidawat sa daghang kontemporaryo nga mga siyentipiko.” Dayon, nangayo siyag dugang impormasyon.

Kon interesado kang makadawat ug kopya sa Life​—How Did It Get Here? By Evolution or by Creation? palihog sulati ang nagaubang kupon ug ipadala kini ngadto sa adres nga gitagana o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong Life​—How Did It Get Here? By Evolution or by Creation?

□ Palihog kontaka ako mahitungod sa usa ka libreng pagtuon sa Bibliya sa balay.