“Anaa Kini sa Maayong mga Kamot!”

Si Patricia nakakitag bag nga nakalimtan diha sa usa ka opisina sa gobyerno sa siyudad sa Cuernavaca, Mexico. Sa pag-abli niya niana, iyang nakita ang daghang credit card, pipila ka pinirmahang blangko nga mga tseke, ug ang identification card sa usa ka arkitekto. Sa paghiuli ni Patricia sa balay, iya dayong gitawgan ang maong tawo aron sultihan nga nakit-an niya ang iyang bag. Sa katingala sa arkitekto, siya miingon: “Salamat sa Diyos nga anaa kini sa maayong mga kamot!”

Sa dihang ang tigulang nga arkitekto miabot sa balay ni Patricia aron sa pagkuha sa bag, giingnan niya si Patricia nga siya maoy usa ka manulonda, usa nga gipadala sa Diyos. Si Patricia miingon nga siya maoy usa sa mga Saksi ni Jehova ug mipatin-aw: “Ako nag-alagad sa matuod nga Diyos, si Jehova, ug iya akong gitudloan. Mao nga giuli nako ang imong bag. Busa ang tanang pagdayeg kinahanglang mahiadto kang Jehova.” Sa dihang mitanyag ug ganti ang maong arkitekto, wala kadto dawata ni Patricia. Iya hinuong gitanyagan ang arkitekto ug pipila ka literatura sa Bibliya ug giingnan siya nga mas maayong basahon niya ang maong mga literatura aron makabenepisyo gikan niana.

Sama sa daghang Saksi ni Jehova, si Patricia nakatuon na sa librong Kahibalo nga Motultol sa Kinabuhing Walay Kataposan. Ang usa sa 19 ka kapitulo niini nag-ulohang “Kon Nganong ang Diyosnong Pagkinabuhi Magdalag Kalipay.” Naeksperyensiyahan ni Patricia ang kamatuoran sa sub-ulohang “Pagkamatinud-anon Mosangpot sa Kalipay.”

Makahangyo kag kopya niining 192-panid nga libro pinaagi sa pagsulat sa nagauban nga kupon ug pagpadala niana ngadto sa adres nga gitagana o sa nahiangayng adres nga nalista sa panid 5 niining magasina.

□ Interesado akong makadawat ug kopya sa librong Kahibalo nga Motultol sa Kinabuhing Walay Kataposan.

□ Palihog kontaka ako mahitungod sa usa ka libreng pagtuon sa Bibliya sa balay.